Հոկտեմբերի 6-ին Հայաստանի Հանրապետության Մասիս քաղաքում անցկացված խառը մենամարտեր սպորտաձևի AFFA FC 1 միջազգային մրցաշարում արցախցի մարզիկ, «Ուլտիմաքս» կազմակերպության MMA մարզաձևի աշխարհի չեմպիոն Արմեն Հայրապետյանը գրավել է առաջին մրցանակային տեղ:
Արցախցի մարզիկ Արմեն Հայրապետյանը միջազգային մրցաշարում հաղթանակ է գրանցել
ՍՏԵՓԱՆԱԿԵՐՏ, 7 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Արմեն Հայրապետյանն ասել է, որ միջազգային մրցաշարին մասնակցել են Արցախի, Հայաստանի, Իրանի, Վրաստանի և Ֆրանսիայի մարզիկները:
«Առաջին ռաունդում խեղդող հնարքով դարձա միջազգային մրցաշարի չեմպիոն՝ հաղթելով Իրանի Հանրապետությունը ներկայացնող մարզիկին: Հաղթանակս նվիրել եմ Արցախի հերոս Աշոտ Ղուլյանի (Բեկոր) հիշատակին»,-մասնավորապես ասել է նա:
Մարզիկը նշել է նաև, որ մրցաշարի հաղթողները պարգևատրվել են գավաթներով, մեդալներով և պատվոգրերով:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -26-:
