Artsakhpress

Մշակույթ

Դաշնակահարուհի Լիլիթ Արտեմյանը «Քարնեգի հոլ»-ում մեծ հաջողությամբ ներկայացրել է Կոմիտասի գործերը

ՀՀ ԳԱԱ Արվեստի ինստիտուտի երաժշտության բաժնի ավագ գիտաշխատող, արվեստագիտության թեկնածու, դաշնակահարուհի Լիլիթ Արտեմյանը սեպտեմբերի 22-ին Կոմիտասի 150-ամյա հոբելյանին նվիրված միջոցառման շրջանակում որպես պատվավոր հյուր ելույթ է ունեցել Նյու Յորքի հռչակավոր «Քարնեգի հոլ» համերգասրահում:

Դաշնակահարուհի Լիլիթ Արտեմյանը «Քարնեգի հոլ»-ում մեծ հաջողությամբ ներկայացրել է Կոմիտասի գործերը

Դաշնակահարուհի Լիլիթ Արտեմյանը «Քարնեգի հոլ»-ում մեծ հաջողությամբ ներկայացրել է Կոմիտասի գործերը
ՍՏԵՓԱՆԱԿԵՐՏ, 7 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Դաշնակահարուհին կատարել է Կոմիտասի,  հայ դասական և ժամանակակից, ինչպես նաև արևմտաեվրոպական կոմպոզիտորների դասական դաշնամուրային ստեղծագործություններ:
«Համերգի առաջին մասում ելույթ ունեցան երիտասարդ տաղանդավոր հայ երաժիշտներ: Երկրորդ բաժնում ես եմ նվագել: Կատարել եմ Կոմիտասի, Տիգրան Չուխաջյանի,  Էդվարդ Բաղդասարյանի, Կոնստանտին Պետրոսյանի, Ֆրեդերիկ Շոպենի ստեղծագործությունները: Տպավորություններս աննկարագրելի են: Չեք կարող պատկերացնել, թե ինչ մեծ հպարտություն է հանդես գալ այդ պատվավոր բեմում, որտեղ ամեն օր ելույթ են ունենում աշխարհահռչակ երաժիշտներ: Հրաշալի էր նաև «Քարնեգի հոլ»-ի դաշնամուրը»,-մեզ հետ զրույցում պատմեց Արտեմյանը:
Համերգից հետո Լիլիթ Արտեմյանն արժանացել է պատվոգրի և ՄԱԿ-ում Հայաստանի Հանրապետության դեսպանի շնորհակալագրին:
Դաշնակահարուհուն ԱՄՆ կատարած կարճատև այցի ընթացքում հրավիրել են հանդես գալ Կոմիտասի 150-ամյակին և հայ ժամանակակից երաժշտությանը նվիրված դասախոսություններով, որոնք ուղեկցվել են Կոմիտասի և հայ կոմպոզիտորների դաշնամուրային ստեղծագործությունների կատարմամբ: Դասախոսություն-համերգները տեղի են ունեցել Բոստոնի «Ամերիկայի հայկական թանգարան»-ում,  Չելմսֆորդի Սրբոց Վարդանանց Հայ Առաքելական եկեղեցում,  Նյու Յորքի Սուրբ Գրիգոր Լուսավորիչ և Թրամբլի Ս. Համբարձում Հայ Առաքելական եկեղեցիներում:
«Դասախոսություններին խոսել եմ Կոմիտասի կյանքի և գործունեության մասին, փորձել եմ ներկայացնել նրա ամբողջական  կերպարը»,-ընդգծեց դաշնակահարուհին ու հավելեց, որ ներկա են եղել ոչ միայն հայեր, այլև օտարերկրացիներ, որոնք համակ ուշադրությամբ են լսել և՛ դասախոսությունը, և՛ երաժշտությունը:
Լիլիթ Արտեմյանը չցանկացավ կանխավ մանրամասներ ներկայացել իր հետագա ծրագրերի մասին, բայց շեշտեց, որ շարունակելու է  նույն ոգևորությամբ աշխարհին ներկայացնել հայկական երաժշտությունն ու հայ կատարողական արվեստը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -41-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Search