Artsakhpress

Միջազգային

Բրիտանական խորհրդարանն արտահերթ նիստ կանցկացնի Brexit-ի շուրջ

Բրիտանական խորհրդարանի Համայնքների պալատն արտահերթ նիստ կանցկացնի հոկտեմբերի 19-ին:

Բրիտանական խորհրդարանն արտահերթ նիստ կանցկացնի Brexit-ի շուրջ

Բրիտանական խորհրդարանն արտահերթ նիստ կանցկացնի Brexit-ի շուրջ

ՍՏԵՓԱՆԱԿԵՐՏ, 9 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հայտնել են կառավարության դիվանատան ներկայացուցիչները, տեղեկությունը հաստատել են խորհրդարանականները:

Նիստը կկայանա Եվրամիության գագաթնաժողովի ավարտից անմիջապես հետո, այն օրը, երբ, սեպտեմբերին ընդունված օրենքի համաձայն, վարչապետ Բորիս Ջոնսոնը պետք Է խորհրդարանականներին ներկայացնի Brexit-ի վերաբերյալ Եվրամիության հետ համաձայնեցված պայմանագիրը: Առայժմ Brexit-ի շուրջ բանակցություններում կողմերը հեռու են փոխզիջումից, ամեն ինչ խոսում Է այն մասին, որ Ջոնսոնը չի կարողանա գործարքի հասնել ԵՄ-ի հետ: Համաձայնագրի բացակայության դեպքում Մեծ Բրիտանիայի վարչապետը հոկտեմբերի 19-ից հետո պարտավոր կլինի խնդրել ԵՄ-ից երկրի դուրս գալու ժամկետի հետաձգման մասին, ինչին Ջոնսոնն ինքը դեմ Է:

«Համայնքների պալատի անդամները հավանաբար նիստ կգումարեն հոկտեմբերի 19-ին: Դա պլանավորվում Է»,-ՌԻԱ Նովոստիին ասել Է Պահպանողական կուսակցության մի աղբյուր:

Նիստի գլխավոր թեման կդառնա Brexit-ը, խորհրդարանականները կփորձեն վարչապետին ստիպել՝ խնդրել Բրյուսելին՝ հետաձգելու Brexit-ի ժամկետը, եւ կառավարությունից խլել պալատի աշխատանքի օրակարգը որոշելու իրավունքը: Ջոնսոնը հավանաբար կփորձի քվեարկության դնել Brexit-ի հետաձգման եւ ԵՄ-ից առանց համաձայնագրի դուրս գալու միջեւ ընտրություն կատարելու հարցը: Հավանաբար հենց այդ օրը կվճռվի Brexit-ի եւ Ջոնսոնի՝ որպես վարչապետի ճակատագիրը:

Սովորաբար Համայնքների պալատը աշխատանքային տարեշրջանում նիստեր Է գումարում երկուշաբթի օրվանից հինգշաբթի ներառյալ, իսկ անհետաձգելի իրավիճակներում՝ ուրբաթ օրերին: Շաաբաթ օրերին խորհրդարանը միայն չորս անգամ Է հավաքվել վերջին ութսուն տարվա ընթացքում՝ 1939 թվականի սեպտեմբերի 2-ին` Երկրորդ համաշխարհային պատերազմի սկզբին, 1949 թվականի հուլիսի 30-ին ամառային նստաշրջանի վերջին օրը, 1956 թվականի նոյեմբերի 3-ին՝ Սուեզյան ճգնաժամի օրերին, եւ 1982 թվականի ապրիլի 3-ին՝ Ֆոլկլենդյան կղզիների շուրջ հակամարտության ժամանակ, հաղորդել Է ՌԻԱ Նովոստին:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -51-:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Search