Artsakhpress

Սփյուռք

Հալեպն ամեն հնարավորը կանի աջակցելու Թուրքիայի գործողություններից տուժածներին. Ժիրայր Ռեիսյան

Սիրիայի ժողովրդի համար անընդունելի է Թուրքիայի գործողությունները. դա ոտնձգություն է Սիրիայի տարածքային ամբողջականության դեմ:

Հալեպն ամեն հնարավորը կանի աջակցելու Թուրքիայի գործողություններից տուժածներին. Ժիրայր Ռեիսյան

Հալեպն ամեն հնարավորը կանի աջակցելու Թուրքիայի գործողություններից տուժածներին. Ժիրայր Ռեիսյան
ՍՏԵՓԱՆԱԿԵՐՏ, 10 հոկտեմբերի, ԱՐՑԱԽՊՐԵՍ: Այս մասին «Արմենպրես»-ի հետ զրույցում նշեց Սիրիայի խորհրդարանի հայ պատգամավոր Ժիրայր Ռեիսյանը:
«Սիրիան ոչ առիթ է տալիս, ոչ էլ ընդունելի է համարում նման ոտնձգությունը: Սիրիան անվիճելիորեն մնում է հաստատակամ ազատագրելու իր հողային տարածքներն: Ակնհայտ է, որ  վտանգներ կան, և մենք պատրաստ ենք մեր աջակցությունը ցուցաբերել բոլոր տուժածներին՝ լինեն  հայեր, թե այլ ազգի ներկայացուցիչներ»,-ասաց Ժիրայր Ռեիսյանը:
Նա ընդգծեց, որ Թուրքիայի այս գործողությունները կհանգեցնեն անկայունության, ինչին էլ հենց ձգտում է պաշտոնական Անկարան:
«Թուրքիայի ցանկությունն է դա: Այս ամբողջ ընթացքում շատ հստակ հակասիրիական քաղաքականության մեջ է եղել և միշտ փորձել է պղտոր ջրում ձուկ որսալ: Սիրիացի ժողովուրդն իր իրավունքը վերականգնելու հարցում հաստատակամ է»,-ասաց Ժիրայր Ռեիսյանը:
Այն հարցին, թե արդյոք կան կոնկրետ տվյալներ Թուրքիայի կողմից ներխուժված տարածքներում բնակվող հայերի թվի մասին, Ժիրայր Ռեիսյանը նշեց, որ դժվար է ասել, քանի որ գրեթե հայաթափված շրջաններ էին: Քիչ թվով ընտանիքներ են մնացել:
«Ինձ համար մտահոգիչ էր այն, որ Կամիշլի շրջանը ևս թիրախավորված է, որտեղ տուժողներ կան: Անկասկած Հալեպն ամեն հնարավորն անելու է, որ ոչ մի հայ, կամ այլ ազգի ներկայացուցիչ դժվարությունների առջև չմնա»,-ասաց Ժիրայր Ռեիսյանը:
ՀՀ ԱԳՆ-ն հայտարարություն էր տարածել այն մասին, որ Հայաստանը դատապարտում է Սիրիայի հյուսիս-արևելքում Թուրքիայի կողմից իրականացվող ռազմական ներխուժումը, որը կհանգեցնի տարածաշրջանային անվտանգության հետագա վատթարացման, քաղաքացիական բնակչության շրջանում մարդկային կորուստների, տեղահանվածների մեծ հոսքի և ի վերջո մարդասիրական նոր ճգնաժամի։
Հոկտեմբերի 9-ին Թուրքիան ներխուժել է Սիրիայի տարածք: Թուրքիայի նախագահ Ռեջեփ Թայիփ Էրդողանը հայտնել է, որ թուրքական զորքերն սկսել են Սիրիայի հյուսիսում ռազմական գործողություններ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -20-:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ասկերանի շրջանի բնակիչը ձիով պայթել է հակահետևակային ականի վրա

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ստեփանակերտում կազմակերպվել է ֆլեշ մոբ

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արցախցի մարզիկը դարձել է աշխարհի չեմպիոն. այսօր նրան դիմավորել են Ստեփանակերտում

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Search