Artsakhpress

Միջազգային

ԱՄՆ Սենատում առաջարկել են պատժամիջոցներ սահմանել Էրդողանի ու մի շարք թուրք նախարարների նկատմամբ

Վաշինգտոնը պետք է անհատական պատժամիջոցներ սահմանի Թուրքիայի նախագահ Ռեջեփ Թայիփ Էրդողանի նկատմամբ՝ Սիրիայում ռազմական գործողություն սկսելու պատճառով:

ԱՄՆ Սենատում առաջարկել են պատժամիջոցներ սահմանել Էրդողանի ու մի շարք թուրք նախարարների նկատմամբ

ԱՄՆ Սենատում առաջարկել են պատժամիջոցներ սահմանել Էրդողանի ու մի շարք թուրք նախարարների նկատմամբ
ՍՏԵՓԱՆԱԿԵՐՏ, 10 հոկտեմբերի, ԱՐՑԱԽՊՐԵՍ: Նման առաջարկով բանաձևի նախագիծը ԱՄՆ Սենատի անդամ, հանրապետական Լինդսի Գրեհեմը հրապարակել է Twitter-ում: Նրան այդ նախաձեռնության հարցում աջակցել է դեմոկրատ սենատոր Քրիս Վան Հոլենը, փոխանցում է tert.am-ը:
Էրդողանից բացի, սենատորներն առաջարկում են պատժամիջոցներ սահմանել Թուրքիայի փոխնախագահի և արտաքին գործերի, ազգային պաշտպանության, ֆինանսների և գանձապետարանի, առևտրի, ինչպես նաև էներգետիկայի նախարարների նկատմամբ:
Բանաձևի նախագիծը ենթադրում է ԱՄՆ տարածքում այդ անձանց ակտիվների սառեցում, Թուրքիայի ղեկավարության նկատմամբ վիզային սահմանափակումների սահմանում, թուրքական բանակին ամերիկյան սպառազինության վաճառքի արգելք և այլն:
Գրեհեմն աջակցություն է ակնկալել երկու կուսակցությունների ներկայացուցիչներից։ Նրա խոսքով՝ կոնգրեսականների մեծ մասը կարծում է, որ «ճիշտ չի լինի լքել քրդերին, որոնք ցույց են տվել, որ ուժեղ դաշնակից են «Իսլամական պետություն» ահաբեկչական խմբավորման դեմ պայքարում»:
Սենատորը նաև նշել է, որ նախագահի վարչակազմը «հրաժարվում է գործել»:
Մինչդեռ ավելի վաղ ԱՄՆ նախագահ Դոնալդ Թրամփը Թուրքիայի գործողությունների ծրագիրը «վատ գաղափար» էր անվանել և ընդգծել, որ չի աջակցում նրանց:
Իր հերթին, պետքարտուղար Մայք Պոմպեոն ընդգծել էր, որ Վաշինգտոնը Թուրքիայի առաջ «կանաչ լույս» չի վառել Սիրիայում նրա գործողությունների համար:
«Դա բացարձակ սուտ է: ԱՄՆ-ն Թուրքիայի առաջ «կանաչ լույս» չի վառել: Հիշեք, թե որն է մեր խնդիրը Սիրիայում: Մենք եկանք այնտեղ, քանի որ մարդկանց սպանում էին, այրում, ոչնչացնում, պահում վանդակների մեջ: Մենք մեր նախաձեռնությանը հավատարիմ ենք»,- ասել է Պոմպեոն:
Նշենք, որ ՄԱԿ-ի Անվտանգության խորհուրդն այսօր՝ հոկտեմբերի 10-ին, մտադիր է նիստ անցկացնել Անկարայի գործողությունների կապակցությամբ: Հանդիպման նախաձեռնողը Գերմանիան է։ Նրա առաջարկին աջակցել են Բելգիան, Մեծ Բրիտանիան, Լեհաստանը և Ֆրանսիան:
Թուրքական կողմը գործողության սկսվելուց ի վեր հարվածներ է հասցրել 181 ռազմական թիրախի, այսօր հայտնել են պաշտպանության նախարարությունում: Դրա հետ մեկտեղ «Սիրիայի ազատ բանակ» ընդդիմադիր խմբավորման ներկայացուցիչները հայտարարել են այն բանտին ավիահարվածի մասին, որում գտնվում են ԻՊ-ի զինյալները:
Հիշեցնենք, որ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ և Ռաս էլ Այն քաղաքներին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -23-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Search