Ընթացիկ տարվա բերքի տակ աշնանացանի իրականացման համար հողօգտագործողներին, որպես պետական աջակցություն, սուբսիդավորված գներով տրամադրվել է ավելի քան 1550 տոննա դիզվառելիք, ինչպես նաև` իրականացվել է արտոնյալ վարկավորում:
Հայտնի են ընթացիկ տարվա բերքի տակ կատարված հացահատիկայինների ցանքսի մասշտաբները
ՍՏԵՓԱՆԱԿԵՐՏ, 30 ՀՈՒՆՎԱՐԻ, ԱՐՑԱԽՊՐԵՍ։ Այդ մասին ասել է ԼՂՀ գյուղատնտեսության նախարար Անդրանիկ Խաչատրյանը՝ հավելելով, որ արդյունքում, 2015 թվականի բերքի տակ հանրապետությունում կատարվել է ավելի քան 43 հազար հեկտար հերկ, ինչը նախորդ տարվա նույն ժամանակաշրջանի համեմատ պակաս է 11 հազար 433 հա-ով կամ 21 տոկոսով, որից 10 հազար 667 հա` սեփականաշնորհված, 13 հազար 977 հա` համայնքի սեփականություն հանդիսացող և 18 հազար 375, 9 հա` պետական պահուստային ֆոնդի հողերում:
Ցանվել է 39 հազար 349 հա աշնանացան հացահատիկ, ինչը նախորդ տարվա նույն ժամանակահատվածի համեմատ պակաս է 8 հազար 963,6 հա-ով կամ 18,6 տոկոսով:
