Մեր այցի նպատակն է, որպեսզի Արցախի և Բելգիայի միջև գոյություն ունեցող շրջանակի գործունեությունն էլ ավելի ակտիվացնենք:
Մեր նպատակն է, որպեսզի բելգիացիներն ավելի շատ իրազեկված լինեն Արցախի մասին. Անդրե դե Բյուս
ՍՏԵՓԱՆԱԿԵՐՏ, 11 հոկտեմբերի, ԱՐՑԱԽՊՐԵՍ: ԱՀ նախագահ Բակո Սահակյանի հետ հանդիպումից հետո այս մասին «Արցախպրես»-ի թղթակցի հետ զրույցում ասել է Բելգիայի Թագավորությա ն ֆրանկոֆոն պատվիրակության շրջանակի համակարգող Անդրե դե Բյուսը՝ նշելով, որ իրենք այս անգամ Արցախ են ժամանել շուրջ 20 հոգանոց պատվիրակության հետ:
Խոսելով իրենց ծրագրերի մասին՝ Անդրե դե Բյուսի խոսքով՝ իրենց առաջնային նպատակը այն է, որպեսզի բելգիացիներն ավելի շատ իրազեկված լինեն Արցախի մասին:
«Արցախի ինքնորոշման թեմայով մենք կարողացել ենք կազմակերպել համաժողով, որը ևս նպաստում է այդ գործընթացին: Նաև քննարկումներ ենք ունենում գյուղատնտեսության ոլորտի մասնագետների հետ, որպեսզի Բելգիայի փորձը կիրառենք նաև Արցախում»,- ավելացրել է Անդրե դե Բյուսը:
Պատվիրկության կազմում ընդգրկված Բրյուսելի ֆրակոֆոն խորհրդարանի նախկին նախագահ Ժուլի դը Գղուտը ԱՀ նախագահի կողմից արժանացել է «Երախտագիտություն» մեդալի:
Նա իր շնորհակալությունն է հայտնել Արցախի ժողովրդին և նշել, որ պարգևատրումը վկայում է Բելգիա-Արցախ հարաբերություններում ունեցած ձեռքբերումները:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -90-:
