Artsakhpress

Սպորտ

Սիմոն Մարտիրոսյանի և Նազիկ Ավդալյանի անունները կրող մարզադահլիճներ կբացվեն Ստեփանակերտում և Շուշիում

Հայ լեգենդար ծանրորդներ Սիմոն Մարտիրոսյանի և Նազիկ Ավդալյանի անունները կրող մարզադահլիճներ կբացվեն Ստեփանակերտում և Շուշիում:

Սիմոն Մարտիրոսյանի և Նազիկ Ավդալյանի անունները կրող մարզադահլիճներ կբացվեն Ստեփանակերտում և Շուշիում

Սիմոն Մարտիրոսյանի և Նազիկ Ավդալյանի անունները կրող մարզադահլիճներ կբացվեն Ստեփանակերտում և Շուշիում
ՍՏԵՓԱՆԱԿԵՐՏ, 12 հոկտեմբերի, ԱՐՑԱԽՊՐԵՍ: Այս մասին իր ֆեյսբուքյան էջում գրել է նախաձեռնության հեղինակ, «Ազատ հայրենիք» կուսակցության նախագահ Արայիկ Հարությունյանը՝ մանրամասնելով, որ դրանց աշխատանքները կմեկնարկեն մինչև տարեվերջ:
«Այսօր «Մենք ենք, մեր լեռները» հուշարձանի մոտ դիմավորեցի մեր դյուցազուններին՝ օրերս ծանրամարտի աշխարհի չեմպիոնական տիտղոսները նվաճած Սիմոն և Տիգրան Մարտիրոսյաններին և աշխարհի փոխչեմպիոն Գոռ Մինասյանին՝ ծանրամարտի Հայաստանի տղամարդկանց հավաքականի գլխավոր մարզիչ Փաշիկ Ալավերդյանի գլխավորությամբ:
Շնորհավորելով նրանց փայլուն մրցելույթների համար՝ նախաճաշի սեղանի շուրջ աշխարհի և եվրոպայի չեմպիոնուհի Նազիկ Ավդալյանի և ծանրամարտի Արցախի ասոցիացիայի նախագահ Արթուր Շիրինյանի մասնակցությամբ քննարկեցինք Արցախում ծանրամարտի զարգացման հեռանկարները: Լավագույն լուծումը, որն առաջարկվեց մեր մարզիկների կողմից, նոր մազադպրոցների ու մարզադահլիճների բացումն է: Տեղում խոստացա նախաձեռնել չորս մարզադահլիճի բացման և կահավորման աշխատանքները, որոնցից երկուսի աշխատանքները կմեկնարկեն մինչև տարեվերջ: Դրանցից առաջինը կլինի Ստեփանակերտում և իմ առաջարկով կկրի Սիմոն Մարտիրոսյանի անունը, իսկ երկրորդը՝ Շուշիում՝ Նազիկ Ավդալյանի անվամբ: Մյուս մարզադահլիճները ևս կկրեն մեր լեգենդար ծանրորդների անվամբ, բայց այդ մասին՝ ավելի ուշ»,- նշել է Հարությունյանը:
Արցախի նախկին վարչապետի խոսքով՝ չեմպիոններն էլ իրենց հերթին խոստացել են ավելի հաճախ լինել Արցախում և արցախցի պատանի մարզիկների հետ հետևողական աշխատանք տանել:
«Իհարկե, այս գործում իր «ծանր քաշային» դերակատարությունը պիտի ունենա մեր ծանրամարտի ասոցիացիան: Հուսով եմ՝ մարզաձևի արցախցի ապագա չեմպիոնների համար այս օրը պատմական կդառնա»,- գրել է Հարությունյանը:
Հիշեցնենք, որ աշխարհահռչակ հայ ծանրորդներն Արցախ են ժամանել Արցախի ծանրամարտի ասոցիացիայի հրավերով՝ Արցախի բաց առաջնությանը պատվավոր հյուրերի կարգավիճակով մասնակցելու համար:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -35-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտի շենքերից մեկում հրդեհ է բռնկվել. մահացել է քաղաքացի

«Ղարաբաղ Տելեկոմ»-ը պարզաբանում է ներկայացրել

Մովսես Հակոբյանն ու նրա տեղակալներն ազատվել են պաշտոններից

2020 թ-ին հանրապետությունում նախատեսվում է բարձրացնել նվազագույն ամսական աշխատավարձի մակարդակը. Ա. Հարությունյան

Ստեփանակերտում բացվել է «Renaissance Music Hall» երաժշտական ռեստորանը

Մովսես Հակոբյանը նշանակվել է ՀՀ ՊՆ ռազմական վերահսկողական ծառայության պետ

Արայիկ Գրիգորյանը նշանակվել է Արցախի ազգային անվտանգության ծառայության տնօրենի առաջին տեղակալ

Բակո Սահակյանը ստորագրել է մի շարք օրենքներ

Հրապարակվել է «Ուրարտու. մոռացված թագավորություն» ֆիլմի թրեյլերը

Search