Artsakhpress

Հասարակական

Հայ և օտարերկրացի թարգմանիչներն արժանացան «Կանթեղ» մրցանակների

 Թարգմանչաց տոնի շրջանակում հոկտեմբերի 12-ին Օշականում տեղի ունեցավ Հայաստանի գրողների միության ամենամյա «Կանթեղ» մրցանակաբաշխությունը:

Հայ և օտարերկրացի թարգմանիչներն արժանացան «Կանթեղ» մրցանակների

Հայ և օտարերկրացի թարգմանիչներն արժանացան «Կանթեղ» մրցանակների

ՍՏԵՓԱՆԱԿԵՐՏ, 12 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍՆերկաները սկզբում ծաղիկներ խոնարհեցին Մեսրոպ Մաշտոցի գերեզմանին, այնուհետև տեղի ունեցավ մրցանակների հանձնման հանդիսավոր արարողությունը:

«Կանթեղ»-ի արժանացան Ռուսաստանից Նինա Գաբրիելյանը, Լեհաստանից Կալինա Իզաբելա Զիոլան, Վրաստանից Մաղվալա Գոնաշվիլին, Ուկրաինայից Օլեքսանդր Բոժկոն, Հայաստանից Թադևոս Խաչատրյանը, Գրիգոր Ջանիկյանը և Ջուլիետ Ղազարյանը:
Հայաստանի գրողների միության նախագահ Էդվարդ Միլիտոնյանն ասաց, որ միության և Մայր Աթոռ Սուրբ Էջմիածնի նախաձեռնությամբ առաջին անգամ «Թարգմանչաց տոնը» նշվում է որպես միջազգային տոն: Հայաստանը հյուրընկալել է ոլորտի տասը արտասահմանյան ներկայացուցչի, որոնք հայ գրականության ինքնատիպ նմուշները թարգմանել են իրենց լեզվով` նպաստելով մեր գրականության հանրահռչակմանը:
Հովհաննես Թումանյանի «Թմկաբերդի առումը» պոեմը լեհերեն թարգմանած Կալինա Իզաբելա Զիոլան նշեց, որ թարգմանությունն իրականացրել է հեղինակի 150-ամյակի կապակցությամբ: «Ինձ համար դա բավականին հետաքրքիր աշխատանք էր: Հայ գրողների ստեղծագործություններում շատ է հայրենասիրությունը, սերը, իսկ ինձ համար սերը դեպի տունը, հայրենիքը, սերը դեպի բնությունը, երկիրը, մարդը ամենկարևորն է»,-ասաց նա:
Զիոլան նախկինում հայերենից լեհերեն է թարգմանել նաև Էդվարդ Միլիտոնյանի, Գագիկ Դավթյանի բանաստեղծությունները:
Ալբերտ Քամյուի, Սամուել Բեկետի և այլ հանրահայտ գրողների ստեղծագործությունները հայերեն թարգմանած արձակագիր Գրիգոր Ջանիկյանը կարևորեց այն փաստը, որ մենք թարգմանել ենք համաշխարհային գրականության հսկաների լավագույն գործերը:  «Այլ հարց է, որ պարտք ունենք օտար ժողովուրդների հանդեպ. Թումանյանին, Վարուժանին, Չարենցին պետք է հասցնենք աշխարհի մեծություններին, որպեսզի նրանց էլ կարդան այնպես, ինչպես ընթերցում են Գյոթեի, Հոմերոսի և այլոց գործերը: Ցավում եմ, որ ըստ արժանվույն չենք կարողանում հայ գրականությունը ներկայացնել արտերկրում»,-շեշտեց Ջանիկյանը:
Նա շնորհակալություն հայտնեց «Կանթեղ» մրցանակի համար և մեզ հետ զրույցում ասաց, որ երկլեզու` հայերեն, ֆրանսերեն գրքեր է հրատարակել, որոնցում ներկայացվում են Հայոց ցեղասպանության վերապրածների վկայությունները:
Մրցանակաբաշխությանը ՀԳՄ մեդալներ տրվեցին Իրանից Ղավամեդդին Ռազավիզադեին, Կանադայից Ալան Ուայթհորնին, Վրաստանից Բաղաթեր Արաբուլին:
Նարեկացու անվան հուշամեդալի արժանացան Վրաստանից Մանանա Գոգիաշվիլին, Իրանից Վարանդը, Գերմանիայից Վահիդ Նադիրը, Արցախից Վարդան Հակոբյանը և Հայաստանից Ալբերտ Նալբանդյանը:
Թարգմանչաց տոնը Հայաստանի Հանրապետությունում սահմանված պետական տոն է՝ նվիրված հայ գրերի գյուտին, թարգմանչաց շարժմանը և մշակույթի նշանավոր գործիչներին: Հայ առաքելական եկեղեցին, Աստվածաշունչն առաջինը հայերեն թարգմանողներին դեռևս վաղ միջնադարում դասել է եկեղեցու սրբերի շարքը և սահմանել հատուկ՝ Սրբոց թարգմանչաց տոն: Թարգմանչաց տոնը նշվում է հոկտեմբերի երկրորդ շաբաթ օրը: Տոնակատարությունը պաշտոնապես բացվում է Օշականում՝ Հայոց այբուբենին նվիրված հուշարձանի մոտ: Երևանում, Գառնիում և այլ վայրերում կազմակերպվում են շքեղ տոնախմբություններ: Տոնի առթիվ լավագույն թարգմանիչներին շնորհվում է Հայաստանի գրողների միության «Կանթեղ» անունը կրող մրցանակ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -56-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Խոշոր ավտովթար Մարտունի-Ննգի-Ստեփանակերտ ավտոճանապարհին

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

Հայտնի է Արցախի նոր կառավարության և պետական կառավարման այլ մարմինների կառուցվածքը

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Կարեն Դանիելյանը նշանակվել է Արցախի նախագահի աշխատակազմի ղեկավար

Մարտական դիրքում գլխի շրջանում ստացած հրազենային վնասվածքից զինծառայող է մահացել

Search