Մենք Արցախի անկախությունը և ինքնիշխանությունը ճանաչել ենք օրենսդրական մակարդակով:
Պետք է Կալիֆորնիա-Արցախ բարեկամական կապերն էլ ավելի ամրապնդել. Էնթենի Փորթանթինո
ՍՏԵՓԱՆԱԿԵՐՏ, 12 հոկտեմբերի, ԱՐՑԱԽՊՐԵՍ: ԱՀ նախագահ Բակո Սահակյանի հետ հանդիպումից հետո այս մասին «Արցախպրես»-ի թղթակցի հետ զրույցում ասել է Ամերիկայի Միացյալ Նահանգների Կալիֆորնիայի նահանգի օրենսդիր մարմնի անդամ Էնթենի Փորթանթինոն՝ նշելով, որ Կալիֆորնիան Արցախի հետ ունի երկար տարիների սերտ կապ:
Խոսելով «Համագործակցություն հանուն արդարության և խաղաղության» խորագրով Արցախի բարեկամների համաժողովի մասին, նա ասել է, որ իրենց մասնակցությունը մեկ անգամ ևս վերահաստատում է այն հանձնառությունը, որ պետք է Կալիֆորնիա-Արցախ բարեկամական կապերն էլ ավելի ամրապնդել:
«Մենք Արցախի հետ կնքել ենք համագործակցության համձայնագիր: Հայաստանում մեր առևտրի գրասենյակի աշխատանքները պետք է ակտիվացնենք, և Արցախը պետք է ներառենք այդ գործընթացի մեջ: Արցախն ունի առևտրի և մանավանդ գյուղատնտեսության զարգացման մեծ ներուժ: Ունենք Կալիֆորնիա-Արցախ-Հայաստան առևտրի արվեստի մշակութային փոխանակումների հատուկ հանձնաժողով, որոնք խոսում են մեր համագործակցության մասին: Բացի դրանից Գլենդելի ամենամեծ պողոտան կրում է Արցախի անունը»,- ավելացրել է Է. Փորթանթինոն:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -60-:
