Ստեփանակերտի վերածննդի հրապարակում այսօր` հոկտեմբերի 13-ին, տեղի ունեցած Բերքի տոնին մասնակցել է նաև Հայաստանի Հանրապետության Լոռու մարզի Հարթագյուղ գյուղում գործող «Թության» ՍՊԸ-ն:
«Թության» ընկերությունը Բերքի տոնին ներկայացրել է ձիթայուղերի տեսականին
ՍՏԵՓԱՆԱԿԵՐՏ, 13 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում «Թության» ընկերության հիմնադիր տնօրեն Սամվել Հունանյանն ասել է, որ ընկերությունն արցախյան բերքի տոնին մասնակցում է առաջին անգամ:
««Թության» ՍՊԸ-ն հիմնադրվել է 2010 թվականին: Թության (գնարբուք)՝ ծաղկի անուն է և ագարակ Արևմտյան Հայաստանի Բասեն գավառում, ուր ժամանակին մեր պապերը զբաղվել են հողագործությամբ և կտավատի մշակմամբ: Ընկերությունը զբաղվում է սառը մամլման եղանակով չզտված ձիթայուղերի արտադրությամբ՝ կտավատի , ծիրանի , դեղձի, խաղողի կորիզների, մեխակի , քունջութի , հլածուկի, արևածաղկի ,կանեփի: Ըստ անհրաժեշտության կարող ենք ընդլայնել ձիթայուղերի արտադրության տեսականին:Հումքը տեղական է և ամբողջովին բնական: Ձիթայուղը կարող են խմել և օգտագործել աղցանների, տարբեր ուտեստների մեջ: Այն հանդիսանում է նաև կոսմետիկ միջոց:Հումքն արտահանվում է Ռուսաստան և ԱՄՆ: Արցախում գտնվելն արդեն իսկ տոն է ինձ համար: Տպավորված եմ ժողովրդի ակտիվությամբ և հետաքրքրվածությամբ»,-ասել է նա:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -26-:
