Artsakhpress

Սպորտ

Ստեփանակերտում անց է կացվում ծանրամարտի Արցախի բաց առաջնություն. ներկա են աշխարհահռչակ ծանրորդներ

Արցախի ծանրամարտի ասոցիացիայի նախաձեռնությամբ այսօր՝ հոկտեմբերի 13-ին, Ստեփանակերտի մշակույթի և երիտասարդության պալատում կազմակերպվել է ծանրամարտի 2019 թվականի Արցախի բաց առաջնություն:

Ստեփանակերտում անց է կացվում ծանրամարտի Արցախի բաց առաջնություն. ներկա են աշխարհահռչակ ծանրորդներ

Ստեփանակերտում    անց  է  կացվում   ծանրամարտի Արցախի բաց առաջնություն.    ներկա  են  աշխարհահռչակ  ծանրորդներ
ՍՏԵՓԱՆԱԿԵՐՏ, 13 հոկտեմբերի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում  Արցախի ծանրամարտի ասոցիացիայի    նախագահ  Արթուր  Շիրինյանն ասել է, որ    առաջնությանն  ԱՀ-ից  և  ՀՀ-ից   մասնակցում   է  150  մարզիկ:
Նրա  խոսքով՝    ասոցիացիան   հետևողական   և  տքնաջան  աշխատանքներ  է   կատարում, որպեսզի    ծանրամարտը՝  որպես  օլիմպիական  մարզաձև    Արցախում զարգանա:  Նախատեսվում   է  բացել   նոր  մարզադահլիճներ, որոնց  պայմանները  թույլ  կտան, որպեսզի     մարզիկները  լիարժեք   պարապմունքներ   անցկացնեն:
«Ներկայումս  աշխատանքներ  են իրականացվում, որպեսզի    Արցախի   ծանրամարտի  ասոցիացիայի մարզիկներն ընդգրկվեն  եվրոպական  մրցաշարերում»,-ավելացրել  է  Ա.  Շիրինյանը:
Առաջնությանը  հրավիրված  ՀՀ սպորտի վարպետ, ծանրամարտի աշխարհի  և  Եվրոպայի  կրկնակի չեմպիոն   Նազիկ  Ավդալյանի  խոսքով՝  ինքը     կարևոր  և  անհրաժեշտ  է համարում, որպեսզի  ծանրամարտը  զարգանա  Արցախում:
 «Մենք    հզոր   ժողովուրդ  ենք  և  մենք  ունենք    մեծ  ներուժ, որը   ճիշտ   և  ժամանակին    օգտագործելու  դեպքում  կկարողանանք   հասնել     բարձր  արդյունքների:   Չունենալով    համապատասխան  պայմաններ՝  մենք    սպորտի  բնագավառում կարողանում ենք     այնպիսի   արդյունքներ   գրանցե, որը   շատերի  համար  զարմանալի  է  թվում:   Համոզված  եմ  և  հուսով  եմ, որ   եթե   Արցախում  արագ  տեմպերով  զարգանա   ծանրամարտը, ապա  մենք    կունենանք  աշխարհի  և  Եվրոպայի   չեմպիոններ»,-ավելացրել  է  Ն. Ավդալյանը:
Խոսելով  այն  մասին, որ  առաջիկայում     իր  և   ծանրամարտի աշխարհի չեմպիոնական տիտղոսը նվաճած  Սիմոն Մարտիրոսյանի   անուններով   մարզադահլիճներ   պիտի   բացվեն      Ստեփանակերտում և Շուշիում, Ն. Ավդալյանն   ասել է, որ    իրողությունը  միանշանակ  ուրախալի  է  և  ոգևորիչ:
«Սպորտը  շատ  կարևոր է  մարդկանց  համար. այն   փոխում  է   բնավորությունը, դարձնում  պատասխանատու,  հեռու  պահում   բացասական  երևույթներից    և  հնարավորություն  ընձեռում    կյանքում  կայանալու  և  ինքնադրսևորվելու   համար»,-ավելացրել  է  Ն. Ավդալյանը:
Առաջնության  պատվավոր հյուրերի  կազմում  էին   ընդգրկված    նաև  աշխարհահռչակ ծանրորդներ Սիմոն Մարտիրոսյանը, Գոռ Մինասյանը, Տիգրան Մարտիրոսյանն   ու Ռուբեն  Ալեքսանյանը:
Առաջնության   հաղթողները   պարգևատրվելու  են   մեդալներով   և    պատվոգրերով:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -29-: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտի շենքերից մեկում հրդեհ է բռնկվել. մահացել է քաղաքացի

«Ղարաբաղ Տելեկոմ»-ը պարզաբանում է ներկայացրել

Մովսես Հակոբյանն ու նրա տեղակալներն ազատվել են պաշտոններից

Հրապարակվել է «Ուրարտու. մոռացված թագավորություն» ֆիլմի թրեյլերը

Մովսես Հակոբյանը նշանակվել է ՀՀ ՊՆ ռազմական վերահսկողական ծառայության պետ

Արայիկ Գրիգորյանը նշանակվել է Արցախի ազգային անվտանգության ծառայության տնօրենի առաջին տեղակալ

Արայիկ Հարությունյանը երիտասարդ էր ու մեզ հետ միասին կռվում էր. Սասուն Միքայելյան

Ստեփանակերտում կայացել է «Վստահություն» կուսակցության հիմնադիր համագումարը

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search