«Էկովեկ» ՍՊԸ-ն բերքի տոնին ներկայացրել է խմիչքների և մուրաբաների իր տեսականին
Ստեփանակերտի վերածննդի հրապարակում այսօր` հոկտեմբերի 13-ին, տեղի ունեցած Բերքի տոնին խմիչքների և մուրաբաների իր տեսականին է ներկայացրել նաև Հայաստանի Հանրապետության Լոռու մարզի Գյուլագարակ համայնքում գործող «Էկովեկ» ՍՊԸ-ն՝ «Վայրի բնություն» արտադրանիշով:
«Էկովեկ» ՍՊԸ-ն բերքի տոնին ներկայացրել է խմիչքների և մուրաբաների իր տեսականին
ՍՏԵՓԱՆԱԿԵՐՏ, 13 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում «Էկովեկ» ընկերության հիմնադիր տնօրեն Սամվել Գրիգորյանն ասել է, որ ընկերությունն արցախյան բերքի տոնին մասնակցում է առաջին անգամ:
«Բերել ենք խմիչքների տեսականի՝ խնձորի օղու մեջ հնեցում տված վայրի հատապտուղներ և եղևնու ծաղկեփոշի, հոնի, մոշի, ազնվամորու օղիներ, ինչպես նաև սոճու կոներից պատրաստված օշարակներ և մուրաբաներ:Տպավորությունները հիանալի են, մարդիկ ակտիվ կերպով մոտենում են տաղավարին, հետաքրքրվում տեսականիով: Գյուլագարակ համայնքը հայտնի է իր գեղեցիկ և առողջարար բնությունով:Ուսումնասիրելով տեղի վայրի բնությունը և նրա հաճախ փոշիացող բարիքները մեր կազմակերպությունը որոշեց օգտագործել դրանք և ստեղծել այնպիսի մի արտադրանք, որում համատեղվում են օգտակարն ու հաճելին»,-մասնավորապես ասել է նա: