Artsakhpress

Հասարակական

Պետնախարար Գրիգորի Մարտիրոսյանը Կովսականում աշխատանքային խորհրդակցություն է անցկացրել

ԱՀ պետական նախարար Գրիգորի Մարտիրոսյանը նախօրեին Քաշաթաղի շրջան կատարած այցի ընթացքում աշխատանքային խորհրդակցություն է անցկացրել Կովսական քաղաքում:

Պետնախարար Գրիգորի Մարտիրոսյանը Կովսականում աշխատանքային խորհրդակցություն է անցկացրել

Պետնախարար Գրիգորի Մարտիրոսյանը Կովսականում աշխատանքային խորհրդակցություն է անցկացրել
ՍՏԵՓԱՆԱԿԵՐՏ, 17 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ խորհրդակցությանը քննարկվել են համայնքի զարգացմանն առնչվող մի շարք հարցեր: Պետական նախարարը նշել է, որ, տեղեկանալով այս ընթացքում ծագած հարցերին, դրանք անպայման հաշվի կառնվեն հետագա աշխատանքում:
Խորհրդակցությանը ներկա Քաշաթաղի շրջվարչակազմի ղեկավար Ստեփան Սարգսյանը նշել է, որ Քաշաթաղի հարավային թևում այս տարի հիմնական աշխատանքները կենտրոնացված են եղել ճանապարհաշինության և ջրատարների մաքրման ու վերականգման ուղղությամբ:
«Մոտ 30 կմ ջրատարներ են մաքրվել Միջնավան-Կովսական հատվածում: Տարեսկզբին զգալի աշխատանք է տարվել Կապան-Կովսական ճանապարհի հարթեցման և շարունակական պահպանման ուղղությամբ: Պայմանավորվածություն է ձեռք բերվել, որպեսզի Միջնավանից Կովսական ընկած ճանապարհահատվածը եզրերից մաքրվի: Արդյունքում կունենանք ավելի բարեկարգ ու հարթ ճանապարհ: Մեկ այլ պայմանավորվածություն ձեռք է բերվել Ծոփաձոր համայնքում կամուրջի վերականգնման աշխատանքների համար: Կապիտալ շինարարության ծրագրի շրջանակներում Միջնավան համայնքում մեկնարկել են բազմաբնակարան շենքի կառուցման աշխատանքները: Բարեգործական միջոցներով Կովսականի մանկապարտեզի հարևանությամբ «Թուֆենկյան» հիմնադրամը հիմնել է խաղահրապարակ: Ներկայումս էլ քննարկումներ են ընթանում  Ֆրեզնոյի հայերի մի խումբ նվիրատուների հետ, որպեսզի Կովսականի հիվանդանոցի նախկին մասնաշենքը վերականգնվի ու հանձնվի շահագործման»,- մանրամասնել է Ս. Սարգսյանը:
Անդրադառնալով Քաշաթաղի շրջանում կատարված շինարարական աշխատանքներին՝ ԱՀ քաղաքաշինության նախարար Կարեն Շահրամանյանը նշել է, որ մեկնարկել են Միջնավան-Վան ջրամատակարարման ցանցի կառուցման աշխատանքները:
«Առաջին փուլում իրականացնելու ենք հողային ջրագծի կառուցման աշխատանքներ: Սկսվելու է նաև մայր ջրագծի կառուցումը, որը նախատեսվում է ավարտել գալիք տարում: Կովսականում ավարտելու ենք 1 բազմազավակ ընտանիքի համար կառուցվող տան շինարարությունը, ևս մեկն էլ կմեկնարկի»,- ավելացրել է Կ. Շահրամանյանը:
Իսկ ԱՀ գյուղի և գյուղատնտեսության աջակցության հիմնադրամի տնօրեն Տիգրան Ծատրյանն անդրադարձել է հիմնադրամի կողմից կյանքի կոչվող մի շարք ծրագրերի, որոնք նպատակ ունեն գյուղական համայնքներում զարգացնելու գյուղատնտեսության ոլորտը:
Նա նշել է, որ աջակցությունը տրամադրվում է հողագործության և անասնապահության ոլորտներում: Գործընթացն իրականացվում է երկու եղանակով՝ ցածր տոկոսադրույքներով փոխառությունների տրամադրում և բանկերի ու ֆինանսավարկային կազմակերպություններից տրամադրված վարկերի տոկոսների սուբսիդավորում:
Խորհրդակցությանը մասնակցում էին ԱՀ ֆինանսների նախարար Արթուր Հարությունյանը, գլխավոր դատախազի պաշտոնակատար Արամայիս Ավագյանը, ոստիկանության պետի տեղակալ Գագիկ Ղահրամանյանը, պաշտոնատար այլ անձինք:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Արցախում կխստացվեն հակահամաճարակային միջոցները. Արայիկ Հարությունյանը պարետատան նիստին նոր հանձնարարականներ է տվել

Search