Artsakhpress

Քաղաքական

Արցախի ժողովրդավարական կուսակցության համագումարը տեղի կունենա նոյեմբերի 30-ին

2019 թվականի նոյեմբերի 6-ին Արցախի ժողովրդավարական կուսակցության կենտրոնական գրասենյակում տեղի է ունեցել ԱԺԿ Կենտրոնական խորհրդի ընդլայնված նիստը՝ Կենտրոնական խորհրդի, ԱԺԿ շրջանային (քաղաքային) կառույցների խորհուրդների անդամների, ինչպես նաև գրասենյակների աշխատակիցների մասնակցությամբ:

Արցախի ժողովրդավարական կուսակցության համագումարը տեղի կունենա նոյեմբերի 30-ին

Արցախի ժողովրդավարական կուսակցության համագումարը տեղի կունենա նոյեմբերի 30-ին

ՍՏԵՓԱՆԱԿԵՐՏ, 7 նոյեմբերի, ԱՐՑԱԽՊՐԵՍ: Այս մասին տեղեկացրին Արցախի ժողովրդավարական կուսակցության լրատվության բաժնից:

Նիստը վարում էր Արցախի ժողովրդավարական կուսակցության Կենտրոնական խորհրդի նախագահ Աշոտ Ղուլյանը:

Ընդլայնված նիստի օրակարգում ընդգրկված էր երեք հարց՝ կուսակցության Կենտրոնական գրասենյակի նոր ղեկավարի ներկայացումը Կենտրոնական խորհրդին, ԱԺԿ նոր խորհրդանշանի շնորհանդեսը և կուսակցության հերթական 6-րդ համագումարի և շրջանային (քաղաքային) համաժողովների ժամկետների հստակեցման և նախապատրաստական աշխատանքների հարցը:

Ներկայացնելով ԱԺԿ Կենտրոնական գրասենյակի նորանշանակ ղեկավար Սուրեն Գրիգորյանին՝ Աշոտ Ղուլյանը խոսել է կուսակցության շարքերում նրա անցած ուղու, ինչպես նաև պետական պատասխանատու պաշտոններում նրա գործունեության մասին և ընդգծել, որ գրասենյակի ղեկավարի պաշտոնում Սուրեն Գրիգորյանը շարունակելու է իր նպաստը բերել կուսակցական շինարարության գործին:

Այնուհետև նիստի մասնակիցներին է ներկայացվել ԱԺԿ նոր տարբերանշանը, որով կուսակցությունը ներկայանալու է 2020 թվականի համապետական ընտրությունների ժամանակ: «Նոր տարբերանշանը իր մեջ ներառում է վստահության, առաջընթացի և ընդհանուր տեսլականի գաղափարները և խորհրդանշելու է ժողովրդավարական կուսակցության հանձնառությունը նորացված գաղափարներով, կազմով ու ծրագրերով ներկայանալու Արցախի հանրությանը»,-նշել է կուսակցության նախագահ Աշոտ Ղուլյանը:

Օրակարգային հաջորդ հարցը վերաբերում էր ԱԺԿ 6-րդ համագումարի անցկացման ժամկետներին և նախապատրաստական աշխատանքներին: Քննարկումների արդյունքում մատնանշվել են տեղերում կազմակերպվելիք աշխատանքները և որոշվել է նոյեմբերի 15-23-ը կազմակերպել շրջանային համաժողովներ, որոնց արդյունքներով էլ նոյեմբերի 30-ին կհրավիրվի կուսակցության համագումարը: Շրջանային (քաղաքային) կառույցների խորհուրդների անդամներին հանձնարարվել է տեղերում խորհրդատվություններ անցկացնել 2020 թվականի խորհրդարանական ընտրություններում կուսակցության համամասնական ցուցակի, ինչպես նաև նախագահական ընտրություններում Արցախի ժողովրդավարական կուսակցության հավանական թեկնածուների վերաբերյալ:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55  կարճ համարին ուղարկելով sms հաղորդագրություն՝ նշելով համապատասխան կոդը` -34-:

     

Քաղաքական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

Սամվել Բաբայանը Արայիկ Հարությունյանին ընդդիմություն չի լինի. ի՞նչ են քննարկել նրանք, Սամվել Բաբայանը կստանա՞ պաշտոն

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արցախի ՊԲ-ն հարվածային ԱԹՍ է փորձարկել, կսկսվի դրանց սերիական արտադրություն (տեսանյութ)

Արցախում պետական հաստատություններում անվճար կրթության հնարավորությունը կունենա հետադարձ ուժ. Վահրամ Պողոսյան

Search