Թուրքիայի խորհրդարանի պատգամավոր Կարո Փայլանը հանդես է եկել Հայոց ցեղասպանության ճանաչման վերաբերյալ հայտարարությամբ:
Եթե կա խորհրդարան, որտեղ պիտի խոսվի Հայոց Ցեղասպանության մասին, Թուրքիայի Ազգային ժողովն է. Փայլան
ՍՏԵՓԱՆԱԿԵՐՏ, 8 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Ինչպես հայտնեցինcի գրասենյակից, նա նման հայտարարությամբ է հանդես եկել Թուրքիայի խորհրդարանում՝ գալիք տարվա պետական բյուջեի նախագծի քննարկումների ժամանակ:
«Նախքան 1915 թվականը այս հողերի վրա՝ Սպարտայում, Մերսինում, Ադանայում, Տրապիզոնում, Տրգրանակերտում, Բուրսայում, հայեր էին բնակվում և այս երկրում յուրաքանչյուր հինգից մեկը հայ էր, իսկ հիմա մի մարզադաշտ չենք կարող լցնել, եթե հավաքվենք: Անշուշտ, չգոլորշիացանք: Տեղի ունեցավ մեծ աղետ, որը, դժբախտաբար, 104 տարի ի վեր ժխտում ենք ուրացման քաղաքականությամբ, հրաժարվում ենք խոսել այդ մասին:
Տեսեք, այլ խորհրդարանները խոսում են այդ մասին, իսկ մենք ասում ենք թող չխոսեն: Նյութի մասին, որը վերաբերում է այս տարածաշրջանին, թող խոսվի հենց այս տարածաշրջանում: Եթե այս աշխարհում կա մի խորհրդարան, որտեղ այս մասին պիտի խոսվի, Թուրքիայի Ազգային մեծ ժողովն է, որովհետև մենք այս հողերի զավակներն ենք»,- հայտարարել է Փայլանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:
