Իրանի մշակույթի և իսլամական կողմնորոշման նախարարությունը արգելել է թուրք հայտնի գրող Էլիֆ Շաֆաքի գրքի վաճառքը երկրում:
Իրանում արգելել են թուրք գրող Էլիֆ Շաֆաքի հայտնի գիրքը
ՍՏԵՓԱՆԱԿԵՐՏ, 12 նոյեմբերի, ԱՐՑԱԽՊՐԵՍ։ Գրքի անունը «Ստամբուլի բիճ» է, որը բավական հայտնի գիրք է նաև հայկական միջավայրում: Գիրքը պատմում է հայ և թուրք ընտանիքների հարաբերությունների մասին: Գրքում արծարծված թեմաները պատճառ են դարձել, որ այն արգելվի Իրանում, հայտնում է Akunq.net-ը:
Նշենք նաև, որ Շաֆաքի «Սեր» վեպը նույնպես արգելվել էր Իրանում սեպտեմբեր ամսին: Էլիֆ Շաֆաքը մեծ ճանաչում ունեցող թուրք գրող է ամբողջ աշխարհում: Նրա գրքերում արծարծվում են այնպիսի թեմաներ, որոնք արգելված են Թուրքիայում: Շաֆաքը սուֆիական թեմաներին անդրադարձող ժամանակակից գրող է:
Հայոց ցեղասպանության թեման արծարծելու համար Շաֆաքը բազմիցս է քննադատության ենթարկվել Թուրքիայում և քրեորեն հետապնդվել Թուրքիայի քրեական օրենսգրքի տխրահռչակ 301-րդ հոդվածով՝ թուրք ազգին վիրավորելու համար:
Հարգելի՛ ընթերցող, 1-5 բալային համակարգով կարող եք գնահատել նյութի ոորակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -68-:
