Թեյի միջազգային կոմիտեն (International Tea Committee) հրապարակել է վիճակագրություն, թե որ երկրում են ավելի շատ թեյ խմում՝ բնակչության մեկ շնչի հաշվով։
Հայտնի է աշխարհում «ամենաթեյային» երկիրը
ՍՏԵՓԱՆԱԿԵՐՏ, 13 նոյեմբերի, ԱՐՑԱԽՊՐԵՍ: Այս մասին տեղեկացնում է News.am-ը: Առաջատարը, պարզվել է Թուրքիան է, որտեղ տարեկան մոտ 260 000 տոննա թեյ են օգտագործում, ինչը կազմում է մոտ 3,5 կգ՝ բնակչության մեկ շնչի հաշվով։ Մեկ կիլոգրամ թեյից ստացվում է 150-300 բաժակ ըմպելիք՝ կախված թրմելու միջոցից։
Երկրի ամենամեծ քաղաքում՝ Ստամբուլում մեկ գավաթ թեյի արժեքը տատանվում է 1 լիրայից՝ փոքր սրճարաններում եւ փողոցներում վաճառողների մոտ, մինչեւ 25 լիրա՝ Բոսֆորի ափին թանկարժեք հյուրանոցների ռեստորաններում։ Այսպիսի հետազոտություն է կատարել Hurriyet թուրքական թերթը։
Թուրքիայում օգտագործվող թեյի առյուծի բաժինը կազմում է սեւ թեյը, որը մասամբ աճեցվում է հանրապետության սեւծովյան տարածաշրջանում, մասամբ էլ ներկրվում է Շրի Լանկայից, Հնդկաստանից եւ այլ երկրներից։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -40-:
