Artsakhpress

Հասարակական

Facebook-ն ապրիլից սեպտեմբեր ընկած ժամանակահատվածում 3,2 մլրդ կեղծ օգտահաշիվ է ջնջել

Ամերիկյան Facebook կորպորացիայի աշխատակիցներն ապրիլից սեպտեմբեր ընկած ժամանակահատվածում ջնջել են 3,2 մլրդ կեղծ գրանցում:

Facebook-ն ապրիլից սեպտեմբեր ընկած ժամանակահատվածում 3,2 մլրդ կեղծ օգտահաշիվ է ջնջել

Facebook-ն ապրիլից սեպտեմբեր ընկած ժամանակահատվածում 3,2 մլրդ կեղծ օգտահաշիվ է ջնջել
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: Այս մասին խոսվում է Facebook-յան պաշտոնական կայքում չորեքշաբթի հրապարակված զեկույցում, հայտնում է Tert.am-ը:
«Վերջին երկու եռամսյակի ընթացքում մենք սկսել ենք առավել արդյունավետորեն խոչընդոտել կեղծ օգտահաշիվների հայտնաբերման և ստեղծման գործընթացին: Մեր գնահատականներով` ամեն օր կիրառելով տվյալ հայտնաբերման համակարգը` կանխում ենք կեղծ հաշիվներ ստեղծելու միլիոնավոր փորձեր»,- ասվում է փաստաթղթում, որտեղ նոր տվյալներ կան երկրորդ և երրորդ եռամսյակների վերաբերյալ:
Ընթացիկ տարվա ապրիլից հունիս ընկած ժամանակահատվածում 1,5 միլիարդ, իսկ հուլիսից սեպտեմբեր՝ 1,7 միլիարդ այդպիսի հաշիվներ են ջնջվել: Ընկերությունը նշում է, որ անցյալ տարի ապրիլից հունիս ամիսներին ջնջվել է 800 միլիոն կեղծ գրանցում, ընդ որում՝ հուլիս-սեպտեմբեր ամիսներին`754 միլիոն: Գրեթե բոլոր դեպքերում Facebook-ի փորձագետները նման միջոցներ են ձեռնարկել մինչ օգտատերերի կողմից բողոքներ ստանալը:
Ընկերության ներկայացուցիչները հայտնել են, որ ապրիլից սեպտեմբեր ընկած ժամանակահատվածում Facebook-ից ջնջել են «կպչուն» գովազդներով ավելի քան 4,1 միլիարդ հաղորդագրություն, բռնության մասին 54,5 միլիոն հրապարակում: Բացի այդ, ջնջվել է ահաբեկչական խմբավորումների գործունեությունը քարոզող 11,1 միլիոն հաղորդագրություն, ինչպես նաև ազգային, էթնիկ և ռասայական ատելություն քարոզող 11,4 միլիոն հրապարակում:
Վերջին տարիներին Facebook-ի ղեկավարությունը մեկ անգամ չէ քննադատվել ԱՄՆ իշխանությունների և ամերիկյան հասարակության կողմից օգտատերերի անձնական տվյալների պաշտպանության համար համապատասխան միջոցներ չձեռնարկելու և սոցիալական ցանցով վնասակար տեղեկատվության տարածմանը չհակազդելու համար:
 

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -36-: 


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախկին վարչապետն արձագանքել է Նիկոլ Փաշինյանին

Բանակի օրվա առիթով Սուրբ Պատարագ և պարգևաբաշխություն Մայր Աթոռ Սուրբ Էջմիածնում

Թուրքիայում ուժեղ երկրաշարժի տեսանյութը հայտնվել է համացանցում

Կամո Վարդանյանը նշանակվել է ՀՀ ԶՈւ ԳՇ հետախուզության գլխավոր վարչության պետի տեղակալ

Ռուսաստանում կինն ընկել է 9-րդ հարկից, վեր է կացել եւ գնացել. տեսանյութ

Փաշինյանն Արցախի նախագահի թեկնածուներին ուղղված կոչով հանդես եկավ

«Մոր և մանկան առողջության պահպանման կենտրոն»-ում գրանցված է արտամարմնային բեղմնավորման կարիք ունեցող 86 զույգ. նախարար

ՀՀ առողջապահության նախարարությունը նոր կորոնավիրուսով վարակը կանխելու խորհուրդներ է ներկայացնում

Մարտակերտում հրդեհաշիջման աշխատանքների ժամանակ հայտնաբերվել է տարեց տանտիրոջ դին

Search