Artsakhpress

Տնտեսական

Փոքր և միջին ձեռնարկատիրության զարգացումը կոչված է նպաստելու երկրի տնտեսական աճի կայունությանը. Լևոն Գրիգորյան

Արցախի Հանրապետությունում կայուն տնտեսական աճի ապահովման քաղաքականության համատեքստում փոքր և միջին ձեռնարկատիրության (ՓՄՁ) զարգացումը կոչված է նպաստելու երկրի տնտեսական աճի կայունությանը` տնտեսությանը հաղորդելով նորարարական ուղղվածություն և ճկունություն:

Փոքր և միջին ձեռնարկատիրության զարգացումը կոչված է նպաստելու երկրի տնտեսական աճի կայունությանը. Լևոն Գրիգորյան

Փոքր և միջին ձեռնարկատիրության  զարգացումը կոչված է նպաստելու  երկրի  տնտեսական  աճի  կայունությանը. Լևոն  Գրիգորյան
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: «Արցախպրես»-ի  թղթակցի   հաղորդմամբ՝   այս  մասին    այսօր  կայացած     ԱՀ     կառավարության    նիստի   ժամանակ    ասել  է  ԱՀ  էկոնոմիակայի  և  արտադրական  ենթակառուցվածքների    նախարար  Լևոն  Գրիգորյանը:
Նրա  խոսքով՝   ՓՄՁ-ի սուբյեկտներին ուղղված պետական աջակցության ծրագրերը հիմնված են ԱՀ կառավարության որդեգրած տնտեսական քաղաքականության  հիմնարար սկզբունքների վրա և նպաստում են երկրի, հատկապես գյուղական բնակավայրերի տնտեսական զարգացմանը և անհամամասնությունների հաղթահարմանը:
 
«Այս առումով ՓՄՁ-ն իր առանձնահատկություններով,  զարգացմամբ  և  ընձեռած հնարավորություններով այն անկյունաքարն է, որը նշանակալի ազդեցություն ունի երկրի տնտեսական զարգացման վրա` ապահովելով զգալի սոցիալ-տնտեսական արդյունք և տարածքային համաչափ զարգացում: Կարևորելով ՓՄՁ դերը երկրի տնտեսության զարգացման, զբաղվածության մակարդակի  և  բնակչության կենսամակարդակի բարձրացման, հասարակության միջին խավի ձևավորման, երկրում սոցիալական և քաղաքական կայունության ապահովման գործում` Արցախի Հանրապետության կառավարությունը շարունակական քայլեր է ձեռնարկում ՓՄՁ ոլորտի պետական աջակցության և զարգացման ուղղությամբ համապատասխան ծրագրերի իրականացմանը»,-  ավելացրել  է  Լ. Գրիգորյանը:
 
Նա  նշել է, որ   2020 թվականի համար նախատեսված ծրագրային միջոցառումների  համակարգն ընդգրկում է ՓՄՁ զարգացմանը պետական աջակցության  հետևյալ հիմնական ուղղությունները.  ՓՄՁ սուբյեկտներին աջակցության համապատասխան ենթակառուցվածքների պահպանում և ամրապնդում, սուբյեկտներին ֆինանսական և ներդրումային աջակցություն, ՓՄՁ սուբյեկտներին ֆինանսական աջակցություն,առևտրային բանկերի կողմից ՓՄՁ սուբյեկտներին տրամադրված վարկերի տարեկան տոկոսադրույքների մասնակի սուբսիդավորում, սուբյեկտների կապիտալի ֆինանսավորում, սուբյեկտների արտադրական հզորությունների վերազինման  ,ՓՄՁ սուբյեկտներում նորարարությունների և ժամանակակից տեխնոլոգիաների ներդրման, սուբյեկտների կողմից թողարկվող արտադրանքի (մատուցվող ծառայությունների) արտահանմանն ու շուկաներում առաջմղման, ՓՄՁ սուբյեկտներին ուսուցողական, գործարար տեղեկատվական և խորհրդատվական,ՓՄՁ սուբյեկտներին ուսուցողական, ՓՄՁ սուբյեկտներին գործարար տեղեկատվական և խորհրդատվական աջակցություններ:
Նախարարը   նշել է  նաև, որ   փոքր և միջին  ձեռնարկատիրության զարգացմանը պետական աջակցության ծրագրերն   իրականացվում են Արցախի ներդրումային հիմնադրամի և Արցախի Հանրապետության գյուղի և գյուղատնտեսության աջակցության հիմնադրամի միջոցով:
«Տարեցտարի կայանում և ամրապնդվում է  փոքր ու միջին ձեռնարկատիրության   պետական աջակցության համակարգը, կատարելագործվում դրա տրամադրման մեխանիզմներն ու ընթացակարգերը:  Առաջարկվում է հավանություն տալ փոքր և միջին ձեռնարկատիրությանը պետական աջակցության 2020 թվականի ծրագրին և այն սահմանված կարգով Արցախի Հանրապետության 2020 թվականի պետական բյուջեի նախագծի կազմում ներկայացնել Արցախի Հանրապետության Ազգային ժողով»,-ասել է  Լ. Գրիգորյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -45-: 
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սարսանգի ջրամբարում 11 և 14-ամյա երեխաներ են ջրահեղձ եղել

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Արայիկ Հարությունյանը նոր նշանակումներ է կատարել

Նարեկ Հարությունյանը նշանակվել է Արցախի Հանրապետության գլխավոր դատախազի տեղակալ

Ստեփանակերտում հայտնաբերվել է կորոնավիրուսային վարակի նոր օջախ

ԱՀ ոստիկանությունն իրազեկում է

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Search