Artsakhpress

Քաղաքական

Նժդեհն ու Բաղրամյանը միասին կռվել են թուրքերի դեմ. Փաշինյանը պատասխանել է ռուս լրագրողի հարցին

ՀՀ վարչապետ Նիկոլ Փաշինյանը ռուսաստանցի լրագրողների հետ հանդիպման ընթացքում ներկայացրել է Սպարապետ Գարեգին Նժդեհի անցած հերոսական ուղին՝ նշելով, որ Սարդարապատի ճակատամարտում Նժդեհն ու այն ժամանակ Խորհրդային միության ապագա մարշալ Հովհաննես Բաղրամյանը կռվել են կողք կողքի:

Նժդեհն ու Բաղրամյանը միասին կռվել են թուրքերի դեմ. Փաշինյանը պատասխանել է ռուս լրագրողի հարցին

Նժդեհն ու Բաղրամյանը միասին կռվել են թուրքերի դեմ. Փաշինյանը պատասխանել է ռուս լրագրողի հարցին
ՍՏԵՓԱՆԱԿԵՐՏ, 19 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այս մասին նոյեմբերի 19-ին Փաշինյանն ասել է՝ պատասխանելով այն հարցին, թե հնարավոր չէ արդյոք Նժդեհի անձի վերաբերյալ հայերի ու ռուսների մի մասի միջև հակասական կարծիքներին վերջ տալու համար համատեղ հանձնաժողով ստեղծել ու ուսումնասիրել պատմությունը:
«Ռուսաստանի հետ մեր հարաբերություններում երբեք չեմ առնչվել այդ հարցի հետ, գործ չեմ ունեցել այդ հարցի հետ, և երբեք մեր հարաբերություններում, բանակցություններում ու զրույցներում չեմ լսել այդ մասին մեր ռուս գործընկերների կողմից: Անկեղծ ասած, մտածում էի, որ այդ հարցը Ադրբեջանի հետ մեր օրակարգում է առկա, որովհետև առաջին անգամ, երբ ես այդ հարցի հետ անակնկալ կերպով առնչվեցի, տեղի ունեցավ Աշխաբադում՝ ԱՊՀ Գագաթնաժողովի ընթացքում: Ինձ համար անակնկալ է, որ այդ հարցն առկա է նաև Ռուսաստանի հետ մեր հարաբերությունների օրակարգում: Ռուս մեր գործընկերների հետ շփման ընթացքում որևէ մեկի կողմից, երբեք Գարեգին Նժդեհի անունը չի շոշափվել: Դուք ասում եք՝ եկեք հանձնաժողով ստեղծենք. տարօրինակ կլիներ, եթե մենք Ռուսաստանի հետ համատեղ հանձնաժողով ստեղծեինք, որպեսզի ուսումնասիրեինք մեր սեփական պատմությունը»,- ասել է վարչապետը:
Փաշինյանը ռուսաստանցի լրագրողներին պատմել է, թե երբ է հայոց պատմության մեջ հայտնի դարձել Նժդեհի անունը:
«Աշխաբադում ես շատ խոսեցի այդ մասին: Գարեգին Նժդեհի անունը մեր պատմության մեջ հայտնվել է Սարդարապատի ճակատամարտից սկսած, երբ այդ հերոսամարտի արդյունքում 1918թ. հիմնադրվել է Հայաստանի առաջին հանրապետությունը: Այդ հերոսամարտին մասնակցել է նաև Հովհաննես Բաղրամյանը, նրանք միասին մարտնչել են իրենց հայրենիքի համար: Գարեգին Նժդեհն ու Հովհաննես Բաղրամյանը, որպես մեր պատմության մեծ դերակատարներ, ունեն նույն սկզբնաղբյուրը: Նրանք մարտնչել են Հայաստանի, հայերի համար: Նրանք արել են ամենը, որպեսզի պաշտպանեն իրենց ժողովրդին թուրքերից, որոնք կազմակերպել են Հայոց ցեղասպանությունը»,- նշել է Փաշինյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -62-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ստեփանակերտում հայտնաբերվել է կորոնավիրուսային վարակի նոր օջախ

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Հանրապետությունում արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը

Search