Artsakhpress

Քաղաքական

ԱՊՀ ԱԽ քարտուղարները կքննարկեն ներքին գործերին ամերիկյան միջամտությունը

Այսօր Մոսկվայում ամենամյա հանդիպման ժամանակ ԱՊՀ երկրների անվտանգության խորհուրդների քարտուղարները կքննարկեն ինքնիշխանության պետությունների ներքին գործերին ամերիկյան միջամտությունը:

ԱՊՀ ԱԽ քարտուղարները կքննարկեն ներքին գործերին ամերիկյան միջամտությունը

ԱՊՀ ԱԽ քարտուղարները կքննարկեն ներքին գործերին ամերիկյան միջամտությունը
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։ NEWS.am-ի փոխանցմամբ, այս մասին  ասվում է ՌԴ ԱԽ մամուլի ծառայության հաղորդագրության մեջ, հաղորդում է ՏԱՍՍ-ը:
Օրակարգում ներառված են ԱՊՀ տարածքում տարածաշրջանային անվտանգության ակտուալ հարցեր, ինչպես նաեւ անվտանգության խորհուրդների գծով միջազգային համագործակցության հարցերը: «Նիստի ընթացքում ծրագրվում է քննարկել թեմաներ, որոնք վերաբերում են գլոբալ անվտանգությանն ու ռազմավարական կայունությանը: Մասնավորապես, ենթադրվում է քննարկել միջին եւ փոքր հեռահարության հրթիռների մասին պայմանագրից ԱՄՆ-ի դուրսբերման հետեւանքները»,- ասվում է հաղորդագրության մեջ:
«Հանդիպման մասնակիցները կվերլուծեն նաեւ արտասահմանցի ահաբեկիչ-գրոհայինների կողմից սպառնալիքները, ԱՊՀ պետությունների տարածք նրանց ներթափանցման կանխման միջոցները, ինչպես նաեւ ԱՊՀ տարածքում քիմիական եւ կենսաբանական անվտանգության հարցերը»,- նշվում է հաղորդագրության մեջ:
Բացելով նիստը՝ ՌԴ ԱԽ քարտուղար Նիկոլայ Պատրուշեւը նշել է, որ հանդիպման մասնակիցները կմշակեն առկա խնդիրների լուծման համատեղ մոտեցումներ: Նա նաեւ ասել է, որ 2018 թվականին տեղի ունեցած հանդիպման ընթացքում մշակված միջոցները թույլ են տվել զգալի ազդակ հաղորդել ահաբեկչական կազմակերպությունների մասին վերլուծական տեղեկատվության փոխանակման կազմակերպման աշխատանքներին: Բացի այդ, դրական զարգացում է ստացել ԱՊՀ երկրների ռազմատեխնիկական համագործակցությունն ու միջազգային ահաբեկչական կազմակերպությունների գործողությունների կանխման հարցով համատեղ միջոցառումների մշակումը:
Մոսկվայում ամենամյա հանդիպմանը մասնակցում են Հայաստանի ԱԽ քարտուղար Արմեն Գրիգորյանը, Ադրբեջանի ԱԽ քարտուղար Ռամիլ Ուսուբովը, Բելառուսի ԱԽ պետքարտուղար Ստանիսլավ Զասը, Ղազախստանի ԱԽ քարտուղար, նախագահի օգնական Կալմուհանբեթ Քասիմովը, Ղրղզստանի ԱԽ քարտուղար Դամիր Սագինբաեւը, Մոլդավիայի պաշտպանության նախարար եւ ԱԽ քարտուղար Վիկտոր Գայչուկը, Տաջիկստանի ԱԽ քարտուղար Մահմադալի Վատանզոդան եւ Ուզբեկստանի ԱԽ քարտուղար Վիկտոր Մահմուդովը: Բացի այդ, նիստին հրավիրված են Սերբիայի ներքին գործերի նախարար, կառավարության ղեկավարի տեղակալ Նեբոյշա Ստեֆանովիչն ու Աֆղանստանի նախագահի ազգային անվտանգության հարցերով խորհրդական Համդուլլահ Մոհիբը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -32-:

     

Ռազմական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Արցախցի մարզիկներն արժանացել են ոսկե մեդալների

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Բակո Սահակյանն օրենքներ է ստորագրել

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Search