Artsakhpress

Միջազգային

ՆԱՏՕ գլխավոր քարտուղարը կարծում է, որ ԵՄ-ը չի կարող պաշտպանել Եվրոպան

ՆԱՏՕ գլխավոր քարտուղար Ենս Ստոլտենբերգը կարծում է, որ ԵՄ-ն ի վիճակի չէ պաշտպանել Եվրոպան։

ՆԱՏՕ գլխավոր քարտուղարը կարծում է, որ ԵՄ-ը չի կարող պաշտպանել Եվրոպան

ՆԱՏՕ գլխավոր քարտուղարը կարծում է, որ ԵՄ-ը չի կարող պաշտպանել Եվրոպան
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։ Այս կարծիքը նա հայտնել է El Pais թերթում հրապարակված հարցազրույցում: NEWS.am-ի փոխանցմամբ՝ այս մասին տեղեկացնում է ՏԱՍՍ-ը։
«Հաջորդ շաբաթ ես մեկնելու եմ Փարիզ եւ նախատեսում եմ քննարկել (դաշինքի «ուղեղի մահվան» մասին արտահայտության) հարցը Մակրոնի հետ,- ճշտել է Ստոլտենբերգը։- Այսօր ես կարող եմ ասել, որ ՆԱՏՕ-ն ուժեղ է, օպերատիվ եւ կենսականորեն կարեւոր մեր անվտանգության համար»։ «Եվրոպական դաշինքը չի կարող փոխարինել տրանսատլանտյան դաշինքին,- հավաստիացրել է նա։- ԵՄ-ը կարեւոր է, բայց չի կարող պաշտպանել Եվրոպան»։
«Մենք ապրում ենք այնպիսի աշխարհում, որում պետք է միասին լինենք,- կարծում  է կազմակերպության գլխավոր քարտուղարը։- Իրականությունն այնպիսին է, որ գոյություն ունեն այնքան շատ մարտահրավերներ, այնքան շատ սպառնալիքներ, այնքան շատ անորոշություններ, որ երկիրը պաշտպանելու լավագույն միջոցը այլ երկրների հետ միասին լինելն է»։ «Քանի դեռ ցանկացած պոտենցիալ հակառակորդ գիտի, որ դաշնակցի վրա հարձակումը առաջ կբերի ողջ դաշինքի պատասխանը, հարձակում չի լինի»,- կարծում է Ստոլտենբերգը։
Նրա կարծիքով՝ «Եվրոպան Հյուսիսային Ամերիկայից հեռացնելու ցանկացած փորձ ոչ միայն կթուլացնի ՆԱՏՕ-ն, այլեւ կբաժանի Եվրոպան»։ «Դաշինքը խաղաղություն է պահպանել եւ խուսափել հակամարտություններից 70 տարի,- կարծում է Ստոլտենբերգը։- Եվ մենք կշարունակենք դա անել շատ տասնամյակներ»։
Մակրոնը The Economist ամսագրի հարցազրույցում ասել էր, թե ՆԱՏՕ-ն լիովին կորցրել է կոորդինացիան դաշինքի ներսում եւ գտնվում է  «ուղեղի մահվան» վիճակում։ Ֆրանսիայի նախագահը նաեւ նշել էր, որ Եվրոպային անհրաժեշտ է սկսել մտածել իր մասին որպես ինքնուրույն աշխարհաքաղաքական ուժի, այլապես «չի վերահսկի իր ճակատագիրը»։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -47-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Search