Էստոնիայի խորհրդարանի խոսնակ, Պահպանողական ազգային կուսակցության՝ EKRE-ի անդամ Հենն Պիլլուաասը հայտարարել է, որ Ռուսաստանը պետք է վերադարձնի Էստոնիայի «բռնազավթած տարածքները»:
Էստոնիան Ռուսաստանից պահանջում է վերադարձնել «բռնազավթած տարածքները»
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։ Tert.am-ի փոխանցմամբ, այս մասին հաղորդում է vesti.ru-ն:
Տալլինն իր պահանջները ներկայացնում է՝ հիմք ընդունելով 1920 թվականին Ռուսաստանի Խորհրդային Ֆեդերատիվ Սոցիալիստական Հանրապետության հետ կնքած Տարտուի պայմանագիրը: Ռուսաստանի ԱԳՆ-ի 2-րդ եվրոպական բաժնի տնօրեն Սերգեյ Բելյաևը նշել է, որ տվյալ փաստաթուղթն իրավական ուժ չունի:
«Էստոնիան ոչ մի տարածքային հավակնություններ չունի Ռուսաստանի նկատմամբ, մենք միայն ցանկանում ենք, որ մեր տարածքները մեզ վերադարձվեն: Ռուսաստանը բռնազավթել է Էստոնիայի տարածքի շուրջ 5%-ը»,-նշել է Պիլլուաասը:
Էստոնիայի տարածքը 45 277 քառակուսի կիլոմետր է: 1920 թվականին Էստոնիայի կազմի մեջ մտան Յամբուրգն ու Պսկովը: Տարտուի համաձայնագրով անկախ Էստոնիայի կազմի մեջ մտան նաև Իվանգորոդը, Իզբորսկը, Պեչորին, Կինգիսեպը և Նարվան: Բացի այդ, Տալլինն այդ ժամանակ ստացավ 15 միլիոն ռուբլուն համարժեք ոսկի: 1939-40 թվականներին Էստոնիան մտավ ԽՍՀՄ կազմի մեջ: Տարածաշրջանում սահմանների անընդհատ փոփոխությունների հետ կապված՝ Իզբորսկը միացավ Պսկովի մարզին, իսկ Իվանգորոդը և Կինգիսեպը՝ Լենինգրադի մարզին: Նորվան մնաց Էստոնիայի կազմում, սակայն այն շարունակում է մնալ Էստոնիայի «ամենառուսական» հատվածը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -48-:
