Artsakhpress

Միջազգային

Իրանը ԱՄՆ-ին բողոք է հայտնել իր ներքին գործերին միջամտելու պատճառով

Իրանի արտաքին գործերի նախարարությունը ԱՄՆ-ին բողոք է հայտնել երկրի «ներքին գործերին միջամտելու» համար:

Իրանը ԱՄՆ-ին բողոք է հայտնել իր ներքին գործերին միջամտելու պատճառով

Իրանը ԱՄՆ-ին բողոք է հայտնել իր ներքին գործերին միջամտելու պատճառով
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։  Այդ մասին նոյեմբերի 20-ին հայտնել է Իսլամական Հանրապետության արտաքին քաղաքական գերատեսչությունը՝  1in.am-ի փոխանցմամբ, այս մասին տեղեկացնում է RIA Novosti-ն։
Նշվում է, որ բողոքը հայտնվել է չորեքշաբթի օրը Իրանի ԱԳ նախարարություն կանչված Թեհրանում Շվեյցարիայի դեսպանին, որը ներկայացնում է ԱՄՆ-ի շահերը:
Դեսպանին կանչելու վերաբերյալ տեղեկատվությունը հայտնվել է Իրանում տեղի ունեցող բողոքի ակցիաների կապակցությամբ ԱՄՆ-ի կողմից քանիցս արված հայտարարությունների ֆոնին: Մասնավորապես, Սպիտակ տան մամուլի քարտուղար Ստեֆանի Գրիշեմի՝ նոյեմբերի 17-ին տարածված հայտարարության մեջ ասվում է, որ ԱՄՆ-ը պաշտպանում է Իրանի ժողովրդի խաղաղ ցույցերը և դատապարտում է ուժի կիրառումը ցուցարարների դեմ: Մինչ այդ ԱՄՆ-ի Պետդեպարտամենտի պաշտոնական ներկայացուցիչ Մորգան Օրտագուսը հայտարարել է, որ Վաշինգտոնը դատապարտում է Թեհրանի կողմից երկրում Ինտերնետն անջատելու փորձերը, ինչպես նաև ԱՄՆ-ի աջակցությունն է հայտնել «Իրանի բազմաչարչար ժողովրդին»:
Մինչդեռ Իրանի ղեկավար և հոգևոր առաջնորդ այաթոլլա Ալի Խամենեին նոյեմբերի 20-ին հայտարարել է, որ Իրանի կառավարությունը հաղթանակ է տարել անկարգությունների նկատմամբ, որոնք երկրում տեղի են ունեցել վառելիքի գների բարձրացման վերաբերյալ նախարարների կաբինետի որոշումից հետո:
Նրա խոսքով՝ «կառավարությունը հաղթանակ է տարել անկարգությունների նկատմամբ, որոնք հրահրել էին օտարերկրացիները»: Խամենեին նշել է, որ իրանցիներին «հաջողվեց հաղթահարել վերջին օրերի դժվարությունները, չնայած տնտեսական խնդիրներին, որոնք ներկայում առկա են երկրում»: Իր հերթին Իրանի նախագահ Հասան Ռոհանին հայտարարել է, որ Իրանում անկարգությունները կազմակերպել էին ԱՄՆ-ը և Իսրայելը՝ նպատակ ունենալով երկրի անվտանգության խարխլումը:
«Անկարգությունների մասնակիցները կազմակերպված էին, նրանց ակցիաները պլանավորված էին, նրանք զինված էին՝ գործելով որոշակի պլանով, որոնք կազմել էին տարածաշրջանի ռեակցիոն ուժերը՝ սիոնիստներն ու ամերիկացիները»,- ասել է Ռոհանին։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -59-:

     

Մշակույթ

Սպորտ

Սփյուռք

Ամենադիտված

ամիս

շաբաթ

օր

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Մահացել է Ադրբեջանի բանակի կապիտան

Արցախցի մարզիկներն արժանացել են ոսկե մեդալների

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

Մեղադրանք է առաջադրվել Բարսեղ Բեգլարյանին

Search