Հայաստանի ֆուտբոլի ազգային թիմի և «Ուրարտու» ֆուտբոլային ակումբի դարպասապահ Արամ Հայրապետյանը Fed Ex Performance Zone-ի վարկածով ճանաչվել է հավաքականի լավագույն ֆուտբոլիստ՝ Եվրո-2020-ի ընտրական փուլի խաղերում:
ՈՒԵՖԱ-ն Արամ Հայրապետյանին ճանաչել է Հայաստանի ընտրանու լավագույն ֆուտբոլիստ
ՍՏԵՓԱՆԱԿԵՐՏ, 21 նոյեմբերի, ԱՐՑԱԽՊՐԵՍ։ Այս մասին գրում է ՈՒԵՖԱ-ի պաշտոնական կայքը: Արամ Հայրապետյանն իր օգտին ունի 747 միավոր: Եվրո-2020-ի շրջանակներում հավաքականի կազմում նա անցկացրել է 10 հանդիպում՝ կատարելով 45 սեյվ: Երկրորդ հորիզոնականում Հենրիխ Մխիթարյանն է՝ 612 միավորով:
Արամ Հայրապետյանն իր ֆուտբոլային կարիերան սկսել է 2008-ին՝ «Սոչի-04» ակումբում: 2017 թվականից նա «Ուրարտու»-ի , իսկ 2018-ից Հայաստանի ազգային հավաքականի դարպասապահն է: Ազգային ընտրանու կազմում նա անցկացրել է 20 հանդիպում:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -46-:
