Artsakhpress

Մշակույթ

Ստեփանակերտում ցուցադրվել է «Արցախ. հավերժի սահմանին» ֆիլմը

Արցախի Հանրապետության մշակույթի, երիտասարդության հարցերի և զբոսաշրջության նախարարության նախաձեռնությամբ Ստեփանակերտի մշակույթի և երիտասարդության պալատում այսօր՝ նոյեմբերի 21-ին, ցուցադրվել է Վահե Յանի «Արցախ. հավերժի սահմանին» ֆիլմը:

Ստեփանակերտում ցուցադրվել է «Արցախ. հավերժի սահմանին» ֆիլմը

Ստեփանակերտում  ցուցադրվել  է  «Արցախ. հավերժի սահմանին»  ֆիլմը

ՍՏԵՓԱՆԱԿԵՐՏ, 21 նոյեմբերի, ԱՐՑԱԽՊՐԵՍ:  «Արցախպրես»-ի թղթակցի հետ զրույցում «Արցախ. հավերժի սահմանին» ֆիլմի սցենարի հեղինակ և ռեժիսոր Վահե Յանն ասել է, որ ֆիլմն արցախյան խորը հիմքերի, նրա ժողովրդի արմատների մասին է: Նրա խոսքով Արցախը համայն հայության ինքնության ամենակարևոր կետերից մեկն է և յուրաքանչյուր հայ պետք է գիտակցի այդ փաստը:

«Լինելով Արցախում և ուսումնասիրելով այն՝ ես գտա ինքս ինձ և որոշեցի անկեղծ լինել իմ ստեղծագործական մոտեցման մեջ: Սկզբում իմ առջև առաջադրանք կար դրված՝ կարճամետրաժ ֆիլմ նկարահանելու: Պատրաստեցինք 18 րոպեանոց ֆիլմ և ուղարկեցինք տարբեր տուրիստական ընկերությունների՝ տուրիզմն Արցախում խթանելու համար: Այնուհետև իմ հեղինակային տարբերակով ստեղծեցի ֆիլմ՝ րտեղ ներկայացվում է իմ զգայարաններով տեսած Արցախը: Ոչ թե աչքերով կամ ուղեղով, այլ զգայարաններով տեսած, քանի որ Արցախը սիրվում է մարմնի բջիջներով:Եթե Հայաստանը դիտարկում ենք որպես համայն հայության մարմին, ապա Արցախն այդ մարմնի բաբախող սիրտն է: Ես կատարեցի ճանապարհորդություն դեպի հայության բաբախող սիրտ և եղա այդ սրտի ջերմության մեջ»,-մասնավորապես ասել է նա:

Վահե Յանը նաև նշել է, որ ֆիլմի միջազգային պրեմերան կայացել է Հունաստանում՝ «Իերապետրա» փառատոնին և նոմինացված էր, որպես տարվա լավագույն վավերագրական ֆիլմ:

Ֆիլմի ցուցադրությանը ներկա ՀՀ վաստակավոր արտիստ, երգչուհի Շուշան Պետրոսյանն էլ մեզ հետ զրույցում ասել է, որ մեկ ամիս առաջ ներկա է գտնվել ֆիլմի շնորհանդեսին և անչափ հիացած է:

««Արցախ. հավերժի սահմանին» ֆիլմը Վահե Յանի սիրո խոստովանությունն է առ Արցախ: Դիտելով ֆիլմը՝ աննկարագրելի ապրումներ ունեցա, ու այն ամենը, ինչ միշտ ուզում եմ շնչահեղձ լինելով պատմել Արցախի մասին և հուզմունքից չեմ կարողանում, կար այս ֆիլմում: Ինձ համար Արցախն ավետյաց երկիր է: Ես ցանկանում էի, որպեսզի արցախահայությունն անպայման տեսնի այս ֆիլմը: Թող միշտ խաղաղություն լինի այստեղ և մենք էլ միշտ պատրաստ լինենք պաշտպանելու մեր հրաշք հողը»,-մասնավորապես ասել է նա:

Ֆիլմի ցուցադրությանը ներկա էր ԱՀ Նախագահ Բակո Սահակյանը, ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը, պաշտոնատար այլ անձինք, հյուրեր:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -62-:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Search