Artsakhpress

Հասարակական

ԱՀ գրողների միության նախագահ է վերընտրվել Վարդան Հակոբյանը. կայացել է համագումար

Ստեփանակերտի Գրիգոր Նարեկացի համալսարանում այսօր՝ նոյեմբերի 22-ին, տեղի է ունեցել Արցախի գրողների միության 6-րդ համագումարը:

ԱՀ գրողների միության նախագահ է վերընտրվել Վարդան Հակոբյանը. կայացել է համագումար

ԱՀ  գրողների  միության  նախագահ  է   վերընտրվել  Վարդան  Հակոբյանը.    կայացել  է   համագումար
ՍՏԵՓԱՆԱԿԵՐՏ, 22 նոյեմբերի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝      համագումարը  վարում  էր  ԱՀ  գրողների   միության    անդամ  Կիմ  Գաբրիելյանը:
Նա  ողջունել  է     համագումարի     մասնակիցներին   և   կարևորել  կատարած  աշխատանքների    ամփոփումը: Այնուհետև    հաստատվել  է   համագումարի  օրակարգը:
Համագումարը  նախագահողի   առաջարկությամբ    ընտրվել   է  հաշվորդ    հանձնաժողով՝  բաղկացած    երեք  հոգուց:
Վերստուգիչ    հանձնաժողովի  հաշվետվությունը    ներկայացրել  է    գրող  Դավիթ  Միքայելյանը:
Նրա  խոսքով՝  ԱՀ  պետական   բյուջեից    յուրաքանչյուր   տարվա  համար  գրողների  միությանը  տրամադրած   ֆինանսական   միջոցները   ծախսվել  են  ըստ  տարեկան  նախահաշվի, ինչն  արտացոլված  է   նաև    հաշվետու  ժամանակաշրջանում  ԱՀ  ֆինանսների  նախարարության   կողմից  պարբերաբար  կատարված  պլանային  ստուգումների     վերաբերյալ  արձանագրություններում:
«Գրողների  միության       նախագահության   կողմից  հաստատված  տարեկան  նախահաշիվների  համաձայն՝   պետբյուջեից    տրամադրված  գումարները  ծախսվել  են    հատևյալ  նպատակներով. գրքերի  և  թերթերի  հրատարակություն, գրական  միջոցառումների  կազմակերպում, աշխատավարձերի  տրամադրում  և      գույքի  ձեռքբերման  ծախսեր: Վերստուգիչ    հանձնաժողովն  ԱՀ  գրողների   միության   վարչության   ֆինանսատնտեսական   գործունեությունը   հաշվետու       ժամանակաշրջանում      համարում  է  բավարար»,-մասնավորապես  ասել   է  Դ.  Միքայելյանը:
 ԱՀ  գրողների  միության  նախագահ   Վարդան  Հակոբյանն  իր  խոսքում  ասել   է, որ   չորս  տարիների  ընթացքում      ունեցել  են    զգալի  առաջընթաց:
«Մենք   հասել  ենք  նրան, որ  մեր  գրական  ընտանիքն  ամբողջապես   հայտնվել  է  համահայկական  գրական   դաշտում:   Արցախի, Հայաստանի,  արտասահմանյան     մամուլներում   ներկայացվել  են  ԱՀ  գրողների  միության    կատարած    աշխատանքները:  Այս  չորս  տարիների   համար   ամենակարևոր      ձեռքբերումը  եղել  է    գրական  որակի     առաջադիմությունը:   Մենք  կազմակերպել  ենք  ավելի  քան  300 հանդիպումներ՝  Արցախի  տարբեր     վայրերում, այդ  թվում՝ զորամասերում, ինչպես  նաև    ՀՀ-ում  և արտերկրում: Կազմակերպել  ենք   մի   շարք   գրական    միջոցառումներ:  Մեր     գրական   ընտանիքի  ավագ, միջին  և    երիտասարդ   սերնդի  ներկայացուցիչները  հնարավորություն    են   ունենում   իրենց   ստեղծագործությունները   ներկայացնել   գրողների    միություն, որոնք    հետագայում,  անպայման,  հրատարակվում  են»,- ավելացրել  է  գրողների  միության  նախագահը:
Վ. Հակոբյանի  խոսքով՝   չորս  տարիների  ընթացքում  ԱՀ   գրողների  միության  անդամները  հրատարակել  են  շուրջ   60   գիրք:  
Համագումարին   ելույթներով     հանդես  են  եկել   ԱՀ  գրողների  միության    մի  խումբ  անդամներ, ովքեր  բարձր  են  գնահատել  անցած չորս  տարիների   կատարած    աշխատանքը:
Համագումարի  վերջում    բաց  քվեարկությամբ    կայացել  է   Արցախի  գրողների  միության   նախագահի  հերթական  ընտրությունը, որի   ժամանակ     նախագահ  է  վերընտրվել   Վարդան  Հակոբյանը:
Նա  շնորհակալություն  է  հայտնել  ներկաներին՝  իրեն  վստահելու  և  ԱՀ  ԳՄ-ն    նախագահի  պաշտոնում   վերընտրելու    համար, որից  հետո    համառոտակի    ներկայացրել  է     միության   գործունեության    հետագա  ծրագրերը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -44-: 

     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Արցախցի մարզիկներն արժանացել են ոսկե մեդալների

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search