Artsakhpress

Քաղաքական

Արցախցի լրագրողի պատասխանն ադրբեջանական հորինվածքին

Նոյեմբերի 17-21 տեղի է ունեցել Հայաստանը և Արցախը ներկայացնող լրագրողների այց Ադրբեջան և ադրբեջանցի լրագրողների հայելային այց հայկական երկու հանրապետություններ։

Արցախցի լրագրողի պատասխանն ադրբեջանական հորինվածքին

Արցախցի լրագրողի պատասխանն ադրբեջանական հորինվածքին
ՍՏԵՓԱՆԱԿԵՐՏ, 28 նոյեմբերի, ԱՐՑԱԽՊՐԵՍ: Այցից օրեր անց այսպես կոչված «Ադրբեջանի Լեռնային Ղարաբաղի շրջանի ադրբեջանական համայնքի» նախագահ Թուրալ Գյանջալիևը հանդես է եկել պրովոկացիոն մեկնաբանություններով, որի վերաբերյալ «Արցախպրես»-ի թղթակիցը զրուցել է փոխայցելությանն Արցախի կողմից մասնակցած Էդգար Էլբակյանի հետ։
ՀԱՐՑ – Պարո՛ն Էլբակյան, ի՞նչ ծրագիր էր սա, և ի՞նչպես էր կազմակերպվել։
ՊԱՏԱՍԽԱՆ– Ծրագիրը նախապատրաստվել և կյանքի էր կոչվել ԵԱՀԿ գործող նախագահի անձնական ներկայացուցչի համակարգմամբ և Հայաստանի Հանրապետության, Արցախի Հանրապետության և Ադրբեջանի համապատասխան գերատեսչությունների ներգրավմամբ։ Հումանիտար դաշտում այսօրինակ միջոցառումների անցկացման պայմանավորվածությունը ձեռք էր բերվել դեռևս մարտի 29-ին՝ Վիեննայում Նիկոլ Փաշինյանի և Իլհամ Ալիևի հանդիպման արդյունքում։
ՀԱՐՑ – Այցից 5 օր անց այսպես կոչված «Ադրբեջանի Լեռնային Ղարաբաղի ադրբեջանական համայնքի» նախագահ Թուրալ Գյանջալիևը հայտարարել է, որ լրագրողական փոխայցելությանը մասնակցել է նաև այսպես կոչված «Ադրբեջանի Լեռնային Ղարաբաղի շրջանի հայկական համայնքը», իսկ հայ լրագրողների հետ հանդիպմանը մասնակցել է նաև «ադրբեջանական համայնքը»։ Ի՞նչպես կմեկնաբանեք սա։
ՊԱՏԱՍԽԱՆ – Արցախից ծրագրին մասնակցել եմ ես՝ որպես Արցախի հանրային հեռուստաընկերության լրագրող։ Բնականաբար, ձևակերպումն այդպիսին է եղել և՛ ծրագրի նախապատրաստական փուլում, և՛ ծրագրի ընթացքում, ու ադրբեջանական կողմը տեղյակ է եղել այդ մասին։ Ավելին, Արցախի և իմ մասնակցության մասով ԵԱՀԿ գործող նախագահի անձնական ներկայացուցչի գրասենյակի հետ հարաբերվել է Արցախի ԱԳՆ-ն, ինչն առնվազն այս ծրագրի շրջանակներում խոսում է պաշտոնական Ստեփանակերտի ներգրավվածության մասին։ Ինչ վերաբերում է իրենց «համայնքին», ապա ադրբեջանական ներպետական իրավակարգավորումներով այն ունի հասարակական կազմակերպության կարգավիճակ, և նոյեմբերի 18-ին մեր երեքիս և իրենց հասարակական կազմակերպությունների ու վերլուծաբանների հետ հանդիպման ժամանակ ներկա էր մեկ անձ նաև այդ հկ-ից։ Նա ներկայացավ որպես կազմակերպության փոխնախագահ՝ Այբանիզ Իսմայիլովա։
ՀԱՐՑ – Այդ կազմակերպությունից միայն նա՞ էր ներկայացված։
ՊԱՏԱՍԽԱՆ – Այո՛։ Թ․ Գյանջալիևը «REAL TV»-ին տված հարցազրույցում դիտմամբ կամ անգիտաբար նշում է «… մեր համայնքի անդամները (sic!) մասնակցել են հայ լրագրողների հետ հանդիպմանը»։ Դա սուտ է։ Ներկա էր միայն տիկին Իսմայիլովան։
ՀԱՐՑ – Իսկ շփում իրականում եղե՞լ է, այդ մասով ադրբեջանական կողմի պնդումները ճշմարի՞տ են։
ՊԱՏԱՍԽԱՆ – Այո՛։ Թե՛ ես, թե՛ գործընկերներս հնարավորություն ունեցանք լսելու և զրուցելու այդ տիկնոջ հետ։ Ես ինքս առաջինը հարց ուղղեցի նրան՝ կապված իրենց փախստականների երկրորդ սերնդի՝ ադրբեջանական հասարակությանն ինտեգրվածության, սոցիալ-կրթական կարգավիճակի և կարիերային նախապատվությունների հետ։ Այն, ինչ լսեցի ի պատասխան իմ հարցի, խիստ գոհացուցիչ էր․ առնվազն Բաքվում և մերձակայքում հաստատվածների ժառանգների դեպքում գործ ունենք մարդկանց հետ, որ փախստական են միայն ադրբեջանական պետական քարոզչության ծիրում, իսկ փաստացի այդ հասարակության լիիրավ ու երբեմն՝ շատ հաջողակ անդամներ են։ Սա գոհացուցիչ է ինչպես պարզ մարդկային ապրումակցման տեսանկյունից, այնպես էլ հակամարտության տրանսֆորմացիայի կոնտեքստում։
ՀԱՐՑ – Իսկ ի՞նչպես եք վերաբերվում նման կարճ շփումը որպես «երկու համայնքների միջև երկխոսություն» որակելուն։
ՊԱՏԱՍԽԱՆ – Դա կեղծ ու արհեստականորեն քաղաքականացված մոտեցում է։ Կրկնեմ, որ ես այնտեղ ներկայացնում էի Արցախի հանրային հեռուստաընկերությունը, իսկ այդ կինը՝ հանդիպմանը ներկայացած մի շարք հկ-ներից մեկը։ Նույն հաջողությամբ իմ ու նրա շփումը կարելի է բնութագրել որպես Արցախի Հանրապետության առկա բնակչության և Արցախի Հանրապետության էթնիկ ադրբեջանական «սփյուռքի» միջև երկխոսության սկիզբ․ այս պնդումն, ի դեպ, քիչ թե շատ ավելի ճշմարիտ կլինի, քան պարոն Գյանջալիևի մեկնությունը։ Ես հասկանում եմ հումանիտար դաշտում անցկացված այս այցից մաքսիմալ քաղաքական շահաբաժիններ ստանալու ադրբեջանական պետական քարոզչամեքենայի փորձերը, բայց դրանք անօգուտ են։ Ի դեպ, չմոռանամ նշել, որ իրապես ջերմ երկխոսությունից հետո՝ Հայաստան վերադառնալուս պես, ես նաև վիրտուալ տարածքում փորձեցի կապ հաստատել տիկին Իսմայիլովայի հետ, ինչը մերժվեց։ Ադրբեջանցիների՝ Արցախի ժողովրդի հետ երկխոսության պատրաստ լինել-չլինելու անուղղակի ցուցիչներից մեկը հենց այս հանգամանքն է և ոչ Թ․ Գյանջալիևի հորինվածքները։
ՀԱՐՑ – Ձեր հիշատակած «REAL TV»-ի հաղորդման շրջանակներում Ադրբեջանի ԱԳՆ մամուլի խոսնակ Լեյլա Աբդուլաևան նշել է, որ անկախ նրանից, թե Դուք ինչպես եք Ձեզ ներկայացնում՝ իրավական տեսանկյունից հանդիսանում եք Ադրբեջանի քաղաքացի։
ՊԱՏԱՍԽԱՆ – Դա նրա աշխատանքն է, նորմալ եմ վերաբերվում։ Այլ բան նա չէր էլ կարող ասել։ Վստահ եմ, որ առանց անձնագիրս տեսնելու էլ տիկին Աբդուլաևան լավ գիտի, թե որ երկրի քաղաքացի եմ ես։
ՀԱՐՑ – Կարո՞ղ են արդյոք շարունակական լինել այսօրինակ ծրագրերը և ո՞ր դեպքում։
ՊԱՏԱՍԽԱՆ – Միանշանակ կարող են։ Կարևոր պայման է, սակայն, որ դիմացի կողմը հնարավորինս զերծ մնա գործընթացին քաղաքականացված (այն էլ՝ փաստերի աղճատմամբ) մեկնաբանություններ տալուց։ Շատ լավ հասկանում եմ այն բոլոր սահմանափակումները, որի պայմաններում աշխատում է ադրբեջանական պետական ապարատը, այնուամենայնիվ, վստահ եմ՝ ողջամտությունն ու պրոֆեսիոնալիզմը պետք է առաջատար լինեն։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -48-:

     

Քաղաքական

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search