ԱՄՆ արևմտյան ափ Արցախի պատվիրակության կատարած աշխատանքային այցի շրջանակներում դեկտեմբերի 1-ին տեղի է ունեցել ԱՀ ԿԳՍ նախարար Նարինե Աղաբալյանի հանդիպումը հայ կրթական հիմնարկության ղեկավար կազմի հետ։
Նարինե Աղաբալյանը հանդիպել է հայ կրթական հիմնարկության ղեկավար կազմի հետ
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին հայտնել են ԱՀ կրթության, գիտության և սպորտի (ԿԳՍ) նախարարությունից:
Աղբյուրի հաղորդմամբ՝ հիմնարկությունը բազմաթիվ ծրագրեր է իրականացնում Հայաստանում և Արցախում։ Հանդիպմանը պայմանավորվածություն է ձեռք բերվել խորացնել կապերը և ակտիվացնել համագործակցությունն՝ ի նպաստ Արցախի կրթական համակարգի բազմակողմանի զարգացման։ Սա վերջին հանդիպումն էր, պատվիրակության աշխատանքային այցն ավարտվեց։
Հիշեցնենք, որ պատվիրակության կազմում էին հայ առաքելական եկեղեցու Արցախի թեմի առաջնորդ Պարգև արքեպիսկեպոս Մարտիրոսյանը,ԱՀ ԿԳՍ նախարար Նարինե Աղաբալյանը և ԱՄՆ-ում ԱՀ մշտական ներկայացուցիչ Ռոբերտ Ավետիսյանը։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -19-:
