Artsakhpress

Մշակույթ

Գրիգոր Նարեկացի համալսարանում կայացել է Ամալյա Գրիգորյանի ուսումնամեթոդական ձեռնարկի շնորհանդեսը

Այսօր՝ դեկտեմբերի 3-ին, Ստեփանակերտի Գրիգոր Նարեկացի համալսարանի պոեզիայի և գիտական նիստերի դահլիճում տեղի է ունեցել բուհի որակի ապահովման կենտրոնի տնօրեն, բանասիրական գիտությունների թեկնածու, դոցենտ Ամալյա Գրիգորյանի «Գրական ստեղծագործության ուսուցման արդյունավետության և որակի բարձրացման մի քանի հարցեր» ուսումնամեթոդական ձեռնարկի շնորհանդեսը։

Գրիգոր Նարեկացի համալսարանում կայացել է Ամալյա Գրիգորյանի ուսումնամեթոդական ձեռնարկի շնորհանդեսը

Գրիգոր Նարեկացի   համալսարանում  կայացել  է   Ամալյա Գրիգորյանի  ուսումնամեթոդական ձեռնարկի շնորհանդեսը
ՍՏԵՓԱՆԱԿԵՐՏ, 3 դեկտեմբերի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝     միջոցառմանը  բացման  խոսքով   հանդես  է  եկել   Գրիգոր Նարեկացի համալսարանի   ռեկտոր, բանասիրական գիտությունների դոկտոր, պրոֆեսոր Վարդան  Հակոբյանը։
 
Նա  շնորհավորել  է   Ա. Գրիգորյանին   ուսումնամեթոդական ձեռնարկի հրատարակման  համար  և  նշել   գրքի   կարևորության  և  անհրաժեշտության  մասին:      
Այնուհետև    ելույթներով     հանդես  են  եկել   համալսարանի   մանկավարժության ամբիոնի դասախոս, մանկավարժական գիտությունների թեկնածու, դոցենտ, գրքի գրախոս Էլադա Բաղդասարյանը, դասախոսներ, ուսուցիչներ  և  այլք: Նրանք   կարևորել  են  գրքի դերը կրթական համակարգում՝ որպես օգնություն մանկավարժական փորձուսուցմանը մասնակցող ուսանողներին և սկսնակ  ուսուցիչներին։
Ամալյա     Գրիգորյանի  խոսքով՝    ուսումնամեթոդական սույն ձեռնարկում մանկավարժական փորձուսուցման ընթացքում կատարված ուսումնասիրությունների հիման վրա ներկայացված է վերլուծություն Ստեփանակերտի թիվ 1,2,4,5,7 հիմնական և թիվ 11 ավագ դպրոցների հայոց լեզվի և գրականության ուսուցիչների փորձը, օգտագործվող ավանդական և ժամանակակից   մեթոդները։
«Ելնելով իմ աշխատանքային  փորձից,  ինչպես  նաև   հանրակրթական   ոլորտի  մեր  լավագույն   մանկավարժների  փորձի  վերլուծությունից,  ձեռնարկում   առաջադրել   եմ  մի  շարք    մեթոդական  խորհուրդներ:  Անդրադարձել  եմ  նորարական  մեթոդներին, որոնք   կնպաստեն  քննադատական  մտածողությանը, վերլուծական  մտքի, սովորողների  ինքնուրույնության,  նախաձեռողականության  և  ակտիվության  զարգացմանը»,-   մասնավորապես  ասել  է  Ա. Գրիգորյանը: 
 
Միջոցառմանը Ստեփանակերտի քաղաքապետարանի աշխատակազմի կրթության և սպորտի բաժնի պետ Թերեզա Ղարախանյանը   շնորհավորել  է     ձեռնարկի   հեղինակին՝  Ա. Գրիգորյանին  և    մաղթել  նորանոր   հաջողություններ  և  ձեռքբերումներ:
Տեղեկացնենք, որ   գիրքն արժանացել է համալսարանի տարվա լավագույն գիտահետազոտական  աշխատանք մրցույթի գլխավոր մրցանակին։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -32-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search