Ստեփանակերտում անց են կացվում դասընթացներ՝ նվիրված կամավորության միջազգային օրվան
ԱՀ մշակույթի, երիտասարդության հարցերի և զբոսաշրջության նախարարության նախաձեռնությամբ դեկտեմբերի 4-6-ը «Կամավորությունը Արցախում. կամավորությանն առնչվող հիմնախնդիրներ» և «Սոցիալական ծրագրերի նախագծում» թեմաներով Ստեփանակերտում անց են կացվում են դասընթացներ՝ նվիրված կամավորության միջազգային օրվան:
Ստեփանակերտում անց են կացվում դասընթացներ՝ նվիրված կամավորության միջազգային օրվան
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ: Դասընթացը վարում է Ռուսաստանի Դաշնությունից հրավիրված հյուսիս-կովկասյան պետական տեխնիկական համալսարանի սոցիոլոգիայի և սոցիալական աշխատանքների ամբիոնի դոցենտ, հյուսիս-կովկասյան կամավորական շարժման համակարգողներից Վալերի Միտրոֆանենկոն:
Դասընթացն անց է կացվում ռուսերենով: Դասընթացին մասնակցում են ԱՀ տարբեր գերատեսչությունների ներկայացուցիչներ, հասարակական կազմակերպության անդամներ, կամավորականներ:
«Արցախպրես»-ի թղթակցի հետ զրույցում ԱՀ մշակույթի, երիտասարդության հարցերի և զբոսաշրջության փոխնախարար Գայանե Գրիգորյանն ասել է, որ կազմակերպելով նման դասընթաց՝ այն վկայում է, որ Արցախում կամավորական աշխատանքի մշակույթը զարգանում և նոր թափ է ստանում:
Նա նշել է, որ դասընթացներին կներկայացվեն կամավորական գործունեության, խնդիրների, դրանց ճիշտ լուծման եղանակաների, ինչպես նաև կամավորական աշխատանքի զարգացման վերաբերյալ թեմաներ:
Ըստ փոխնախարարի՝ դասընթացներին ներգրավվեն են տարբեր գերատեսչությունների ներկայացուցիչների՝ նպատակ ունենալով էլ ավելի սերտացնել համագործակցությունն կամավորական շարժման մասնակիցների հետ
Գ. Գրիգորյանի խոսքով՝ 2018 թվականին Ռուսաստանի Դաշնության Ստավրոպոլ քաղաքում կամավորների համար կազմակերպվել է միջոցառում, որին՝ շնորհիվ Վալերի Միտրոֆանենկոյի, մասնակցել են նաև Արցախի ներկայացուցիչները:
«Միջոցառման ընթացքում արցախցի երիտասարդ կամավորականներնը ծանոթացել են տարբեր երկրներում կամավորական աշխատանքներով զբաղվող իրենց գործընկերների հետ, այնուհետև մասնակցել՝ դասընթացների և ձեռք բերել փորձ և հմտություններ: Այդ ամենի արդյունքն ակնհայտ է դարձել այս տարի՝ Արցախում կազմակերպված Անկախ ֆուտբոլային ասոցիացիաների կոնֆեդերացիայի (ConiFA) ֆուտբոլի Եվրոպայի առաջնության և 7-րդ ամառային Համահայկական խաղերի կազմակերպման և անցկացման ժամանակ: 2019 թվականին կամավորականները կարողացել են լիարժեք կատարել իրենց առաքելությունը: Պետք է նշեմ, որ տարիներ շարունակ կամավորներին միշտ էլ ընդգրկել ենք տարբեր միջոցառումների, բայց այս տարի նրանց դերակատարությունն ակնհայտ էր. կամավորական աշխատանքներին ներգրավված են շուրջ 500 երիտասրդ»,-մասնավորապես ասել է Գ. Գրիգորյանը՝ ընգծելով, որ Արցախի երիտասարդական ներուժի ակտիվ ներգրավման միջոցով պետք է հասնել լուրջ հաջողությունների:
Մեր զրուցակիցը տեղեկացրել է նաև, որ վաղը՝ դեկտեմբերի 5-ին՝ կամավորության միջազգային օրը, Ստեփանակերտի մոտակայքում գտնվող «Կարկառ» ճամբարի «Forrest hub» տարածքում տեղի է ունենալու թեյախմություն՝ խարույկի շուրջ, դիսկոտեկ: Իսկ դեկտեմբերի 6-ին՝ Վալերի Միտրոֆանենկոն Արցախի պետական համալսարանում հանդես է գալու դասախոսությամբ. նույն օրը նախատեսվում է աշխատանքային խորհրդակցություն ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանի և գերատեսչության մի խումբ աշխատակիցների հետ, որտեղ քննարկելու են ոլորտում առկա խնդիրների և առաջիկա մի շարք ծրագրերի վերաբերյալ հարցեր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -35-: