Գերմանիան որոշել է արտաքսել ռուս դիվանագետներին Բեռլինում Վրաստանի քաղաքացու սպանության մասին գործի ֆոնին, քանի որ հանցագործության հետաքննության հարցում աջակցություն չի ստացել Մոսկվայի կողմից:
Մերկելը հայտնել է ռուս դիվանագետների արտաքսման պատճառը
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ։ Tert.am-ի փոխանցմամբ, գրում է ТАСС գործակալությանը, ըստ որի այս մասին Գերմանիայի կանցլերը հայտարարել է չորեքշաբթի կայացած ՆԱՏՕ-ի գագաթնաժողովի շրջանակներում:
«Մենք համապատասխան միջոցներ ենք ձեռնարկել, քանի որ չենք տեսել, որ Ռուսաստանը աջակցություն է ցույց տալիս սպանության հետաքննության հարցում»,- ասել է կանցլերը:
Մերկելը չի բացառել, որ երկու ռուս դիվանագետների արտաքսումը Գերմանիայից կարող է բարձրացվել ՌԴ նախագահ Վլադիմիր Պուտինի հետ հանդիպմանը Փարիզում, որը տեղի կունենա հաջորդ շաբաթ:
Կանցլերը չի կարծում, որ այս հարցը բացասաբար կազդի «նորմանդական ձևաչափով» հանդիպման վրա:
Հիշեցնենք, որ Գերմանիայի արտաքին գործերի նախարարությունը Բեռլինում Ռուսաստանի դեսպանատան երկու աշխատակցի «անցանկալի անձ» է հայտարարել՝ օգոստոսին Բեռլինում Վրաստանի քաղաքացու սպանության գործի հետ կապված:
Ավելի ուշ Ռուսաստանի Դաշնության Պետդումայի պատգամավոր Դմիտրի Նովիկովը հայտարարել է, որ Մոսկվան պատասխան քայլեր կձեռնարկի Բեռլինի որոշման դեմ, ըստ որի երկու ռուս դիվանագետ «անցանկալի անձ» է հայտարարվել:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -57-:
