Artsakhpress

Հասարակական

Արայիկ Հարությունյանը ՇՏՀ-ում հանդես է եկել «Գլոբալ տաքացման հիմնախնդիրները» թեմայով դասախոսությամբ

Շուշիի տեխնոլոգիական համալսարանի հոգաբարձուների խորհրդի նախագահ, Արցախի նախկին վարչապետ Արայիկ Հարությունյանն այսօր բուհում հանդես է եկել «Գլոբալ տաքացման հիմնախնդիրները» թեմայով դասախոսությամբ:

Արայիկ Հարությունյանը ՇՏՀ-ում հանդես է եկել «Գլոբալ տաքացման հիմնախնդիրները» թեմայով դասախոսությամբ

Արայիկ Հարությունյանը ՇՏՀ-ում հանդես է եկել «Գլոբալ տաքացման հիմնախնդիրները» թեմայով դասախոսությամբ
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ իր խոսքում Արայիկ Հարությունյանն ասել է, որ, ելնելով քաղաքական դրդապատճառներից, վերջին շրջանում Արցախում շատերը կասկածի տակ են դնում հիդրոէլեկտրակայանների հարցում վարած պետական քաղաքականությունը:
«Կցանկանայի հայտարարել, որ այն քաղաքականությունը, որն Արցախը վերջին 12 տարում ունեցել է վերականգնվող էներգետիկայի բնագավառում, դեմ չէ բնությանը, ընդհակառակը, այն ոչ միայն տնտեսապես շահավետ է, այլ նաև էկոլոգիայի դեմ ընդհանուր գլոբալ պայքարում կարևոր քաղաքականություն է հանդիսանում»,- նշել է Ա. Հարությունյանը:
Դեկտեմբերի 2-ին Մադրիդում մեկնարկել է ՄԱԿ-ի 25-րդ կլիմայական կոնֆերանսը, որին մասնակցում են 20 000-25 000 մարդ: Բանախոսը նշել է, որ այս քաղաքականությունը սկսվել է  դեռևս 1990-ական թվականներին, իսկ 1992 թվականին նախագծվել է կլիմայի փոփոխության առաջին կոնվենցիան: Արդեն 1997 թվականին Տոկիոյում կնքվել, իսկ 2005 թվականից գործում է համապատասխան արձանագրությունը, որի նպատակն է խթանել կանաչ էներգետիկան:
Ա. Հարությունյանը կարծում է, որ Արցախի հիդրոռեսուրսները և աշխարհագրական դիրքը թույլ են տվել ակտիվ ձևով իրականացնել այդ քաղաքականությունը, և արդեն իսկ գործում է մոտ 30 հիդրոէլեկտրակայան:
Որպես սովետական շրջանից ստացած ժառանգություն, ըստ Ա. Հարությունյանի, հասել է Սարսանգի ջրամբարն իր հիդրոկայանով: 50 Մեգավատտ հզորությամբ ջրամբարը հիմնականում նախատեսված է եղել ադրբեջանական Միրբաշիր, Աղդամ քաղաքների, իսկ առավել փոքր չափով՝ Մարտակերտի շրջանի ոռոգման համար: Եվ քանի որ աշխարհագրական դիրքը թույլ է տվել, կառուցվել է  նաև հիդրոէլեկտրակայան:
«Առաջին հիդրոէլեկտրակայանի շինարարությունն Արցախում մեկնարկել է 2008 թվականին, սակայն, ընդհանուր առմամբ, քաղաքականության մեկնարկը տրվել է 2007 թվականի նոյեմբերին, երբ, Սարսանգի հիդրոէլեկտրակայանը, առանձնանալով «Արցախէներգո» ընկերությունից, լիովին դարձել է բաց բաժնետիրական ընկերություն: Արդյունքում այսօր «ԱրցախՀԷԿ»-ը հանդիսանում է Հայաստանում ու Արցախում գործող ամենաօրինակելի ընկերություններից մեկը»,- նշել է Ա. Հարությունյանը:
Նրա խոսքով՝ 2018 թվականին Արցախում արտադրվել  է 388 միլիոն Կվտ/ժ, 2019 թվականին՝ 450 միլիոն Կվտ/ժ, իսկ թիրախային ցուցանիշը կլինի 2023 թվականին՝ կազմելով 1 միլիարդ 100 միլիոն Կվտ/ժ էլեկտրաէներգիա:
Հանդիպման ընթացքում Ա. Հարությունյանը պատասխանել է դասախոսների և ուսանողների բարձրացրած հարցերին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -52-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Համապետական ընտրություններին մասնակցել են ընտրողների 72,7%-ը. ԿԸՀ նախագահ

Ֆինանսների նախարարությունը Վիտալի Բալասանյանից փաստեր է պահանջում

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

ԱՀ ՊՆ-ն արձագանքել է Վիտալի Բալասանյանի հայտարարությանը

«Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը 

Search