«Միացյալ Վրաստան» ժողովրդավարական շարժում կուսակցությունը հերքել է ԶԼՄ-ներում տարածված տեղեկությունը, որ Նինո Բուրջանաձեն Մոսկվայում՝ ՌԴ Պետդումայի միջազգային գործերի կոմիտեի նախագահ Կոնստանտին Կոսաչովի հետ հանդիպմանը, նրանից ներողություն է խնդրել հունիսին Թբիլիսիում Ուղղափառության խորհրդարանական վեհաժողովի ժամանակ տեղի ունեցած հակառուսական սկանդալի համար:
Նինո Բուրջանաձեն Կոսաչովից ներողություն չի խնդրել. կուսակցությունը հերքել է
ՍՏԵՓԱՆԱԿԵՐՏ, 7 դեկտեմբերի, ԱՐՑԱԽՊՐԵՍ։ «Տեղեկություններ են տարածվել, որ Նինո Բուրջանաձեն Կոսաչևի հետ հանդիպմանը ներողություն է խնդրել Գավրիլովի հետ տեղի ունեցած միջադեպի համար: Կցանկանայինք ընդգծել, որ Նինո Բուրջանաձեն որևէ մեկից ներողություն չի խնդրել Գավրիլովի այցի կապակցությամբ: Իր բոլոր ելույթներում «Միացյալ Վրաստան-Ժողովրդավարական շարժում» կուսակցության առաջնորդը ինչպես Վրաստանում, այնպես էլ Ռուսաստանի Դաշնությունում, միշտ ասում էր, որ Սերգեյ Գավրիլովը չի նստել խորհրդարանի աթոռին իր կամքով: Նրան նստեցրել են Վրաստանի իշխանությունները, իսկ իրավիճակի ժամանակ նրանք անգամ չեն կարողացել ապահովել հյուրի անվտանգությունը: Սա հենց այն է, ինչ տիկին Նինոն կրկնել է Կոսաչևի հետ հանդիպմանը: Նա ափսոսանքով է հիշել փաստը, բայց ներողություն չի խնդրել տեղի ունեցածի համար», – SHANTNEWS.am-ի փոխանցմամբ` ասված է կուսակցության տարածած հայտարարությունում:
Նշենք, որ տեղեկությունը հաղորդել էր ռուսական ՏԱՍՍ գործակալությունը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -37-: