Artsakhpress

Քաղաքական

Երևանում մեկնարկել է Հայ-վրացական իրավական երրորդ ֆորումը

Երևանում դեկտեմբերի 9-ին մեկնարկել է Հայ-վրացական իրավական համագործակցության երրորդ ֆորումը:

Երևանում մեկնարկել է Հայ-վրացական իրավական երրորդ ֆորումը

Երևանում մեկնարկել է Հայ-վրացական իրավական երրորդ ֆորումը
ՍՏԵՓԱՆԱԿԵՐՏ, 9 դեկտեմբերի, ԱՐՑԱԽՊՐԵՍ: Միջոցառմանը մասնակցել են ՀՀ փոխվարչապետ Տիգրան Ավինյանը, Վրաստանի փոխվարչապետ, արդարադատության նախարար Թեա Ծուլուկիանին, ՀՀ արդարադատության նախարար Ռուստամ Բադասյանը, ՄԱԿ-ի Զարգացման ծրագրի մշտական ներկայացուցիչ Դմիտրի Մարիյասինը, ԵՄ պատվիրակության Համագործակցության բաժնի ղեկավար Գոնզալո Սեռանո Դե Լա Ռոսան, այլ պաշտոնական անձինք:
Եվրոպական միության և ՄԱԿ-ի Զարգացման ծրագրի աջակցությամբ կազմակերպված երկօրյա ֆորումի քննարկումները նվիրված են լինելու երկու երկրներում դատաիրավական բարեփոխումներին, էլեկտրոնային արդարադատության գործիքների ներդրմանը, մարդու իրավունքների պաշտպանության բարելավմանը, կոռուպցիայի դեմ պայքարին, քրեակատարողական քաղաքականությանն ու քրեական ենթամշակույթի դեմ պայքարին առնչվող հարցերին:
ՀՀ արդարադատության նախարար Ռուստամ Բադասյանը ողջունել է Թեա Ծուլուկիանիին և վրացական պատվիրակության անդամներին Երևանում և շնորհակալություն է հայտնել գործընկերոջը բարեկամ պետությունների միջև արդարադատության ոլորտում սերտ և փոխշահավետ համագործակցությանը նպաստելու համար:
Ռուստամ Բադասյանը հատկանշական է համարել դեկտեմբերի 9-ին և 10-ին ֆորումի անցկացումը՝ մանրամասնելով, որ այդ օրերը, համապատասխանաբար, համընկնում են Կոռուպցիայի դեմ պայքարի և Մարդու իրավունքների պաշտպանության միջազգային օրերի հետ, ինչը և վերահաստատում է երկու բարեկամ երկրների արդարադատության նախարարությունների հանձնառությունը կոռուպցիայի դեմ անզիջում պայքար մղելու, ինչպես նաև մարդու իրավունքների պաշտպանության վիճակը բարելավելու վերաբերյալ: Կարևորելով շարունակական բնույթ կրող ֆորումի անցկացումը՝ Հայաստանի արդարադատության նախարարը համոզմունք է հայտնել, որ նման ձևաչափով քննարկումները հնարավորություն կընձեռեն համատեղ ջանքերով լուծելու արդարադատության ոլորտում ծառացած խնդիրները՝ միաժամանակ հույս հատնելով, որ Երևանում կայանալիք երկօրյա ֆորումը հնարավորություն կտա էլ ավելի խորացնելու և ընդլայնելու արդարադատության նախարարությունների միջև համագործակցությունը:
 Փոխվարչապետ Տիգրան Ավինյանը ողջունել է վրաց գործընկերոջը և նշել, որ Հայաստանի կառավարության համար արդարադատության ոլորտի բարեփոխումներն ունեն առանցքային և հիմնարար նշանակություն՝ դրանք դիտարկելով որպես կարևոր նախապայման այլ ոլորտային բարեփոխումների իրականացման և արդյունքների գրանցման առումով: Այդ համատեքստում, փոխվարչապետը կենսական անհրաժեշտություն է համարել մեր երկրում անկախ, հաշվետու և կոռուպցիայից զերծ դատական համակարգի առկայությունը: «Այս կարճ ժամանակահատվածում նշված ուղղությամբ կատարված վճռական քայլերը և կոնկրետ ծրագրերը թույլ են տալիս փաստելու, որ արդարադատության համակարգի նկատմամբ վստահությունը վերականգնելու մեր նպատակը անպայման հաջողության է հասնելու»,- ընդգծել է Տիգրան Ավինյանը՝ վստահություն հայտնելով, որ արդարադատության ոլորտում հայ-վրացական փոխշահավետ գործընկերությունը հնարավորություն է ընձեռում բարեփոխումների իրականացման ճանապարհին համատեղ ջանքերով դիմագրավելու նաև ժամանակակից համընդհանուր մարտահրավերներին՝ գտնելով դրանց լուծման գործուն ուղիներ, համագործակցելով միջազգային և բազմակողմ ձևաչափերում: Հայաստանի փոխվարչապետը շեշտել է, որ Վրաստանի հետ հարաբերությունների շարունակական և արդյունավետ զարգացումը մնալու է Հայաստանի արտաքին քաղաքական առաջնահերթությունների շարքում:
Վրաստանի փոխվարչապետ Թեա Ծուլուկիանին շնորհակալություն է հայտնել Ռուստամ Բադասյանին միջոցառումը Երևանում հյուրընկալելու համար և նշել, որ մեծ պատիվ է հայ գործընկերներին ներկայացնել վրացական բարեփոխումների հաջող փորձը և փոխադարձաբար լսել հայաստանյան հաջողությունների և ընդհանուր մարտահրավերների մասին: Խոսելով վրացական բարեփոխումների հաջողություններից՝ Թեա Ծուլուկիանին ընդգծել է, որ մի շարք հեղինակավոր միջազգային կազմակերպություններ բարձր են գնահատել Վրաստանում իրականացվող բարեփոխումները՝ օրենքի գերակայության, կոռուպցիայի և խտրականության դեմ պայքարի, ինչպես նաև կանանց նկատմամբ բռնության նվազեցման, բիզնեսի խթանման, հանրային ծառայությունների մատչելիության ուղղություններով:
Հայ-վրացական իրավական համագործակցության ֆորումները նպաստում են ՀՀ արդարադատության և Վրաստանի արդարադատության նախարարությունների միջև առկա գործընկերային, արդյունավետ և բարեկամական հարաբերությունների ամրապնդմանը, միջազգային հարթակներում որոշակի հարցերի շուրջ միասնական հանդես գալուն, ինչպես նաև երկու գերատեսչությունների իրավասություններին առնչվող ոլորտներում առկա լավագույն փորձի ներդրմանը, երկու պետությունների արդարադատության նախարարությունների աշխատակիցների միջև փոխադարձ այցերի միջոցով համագործակցության ընդլայնմանը և խորացմանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կենսաթոշակների բարձրացում անպայման լինելու է. ոլորտի պատասխանատու

Արցախում ստեղծվել է նոր կուսակցություն. կայացել է հիմնադիր համագումարը

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 8-ին

«Շատ վիրավորված եմ քեզանից»․ Արայիկ Հարությունյանը՝ Հրանտ Բագրատյանին

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Կարմիր շուկայում բազմաբնակարան շենքերի կառուցման աշխատանքներն ընթացքի մեջ են

Հայ-ադրբեջանական սահմանին պայմանագրային զինծառայող է վիրավորվել

Հանրապետությունում շմոլ գազի հետևանքով քաղաքացիներ են թունավորվել. նրանց վիճակը բավարար է

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Search