ԱՀ-ում համաճարակաբանական իրավիճակը լարված չէ:
Հանրապետությունում գրիպի դեմ պատվաստումներ են կատարվում. համաճարակաբան
ՍՏԵՓԱՆԱԿԵՐՏ, 11 դեկտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ առողջապահության նախարարության պետական հիգիենիկ և հակահամաճարակային տեսչության գլխավոր մասնագետ, համաճարակաբան Կարինե Բալայանը:
Նրա խոսքով՝ ԱՀ առողջապահության նախարարության տեսչության կողմից սեզոնային գրիպի և վերին շնչուղիների սուր շնչառական վարակների կանխարգելման միջոցառումների համար կատարվում է ամնօրյա մշտադիտարկում և հսկողություն բուժհիմնարկներում:
«Դեկտեմբերի 9-ի դրությամբ հանրապետությունում արձանագրվել է ամբուլատոր հիվանդների դիմելիության 105 դեպք, որից 95-ը՝ 0-18 տարեկան երեխաններն են: Ստացիոնար բաժանմունքում կա 37 հիվանդ, որից 34-ը երեխաներ են. ունենք հինգ թոքաբորբ:Բուժհիմնարկներն ապահոված են անհրաժեշտ հակավիրուսային դեղամիջոցներով, ախտահանիչ նյութերով և բժշկական պարագաններով: ՀՀ առողջապահության նախարարության կողմից նվիրատվության կարգով ԱՀ առողջապահությանն է տրամադրվել Ֆրանսիայում արտադրված շուրջ 1500 դեղաչափ. Արցախի բոլոր բուժհիմնարկներում առկա է այդ դեղաչափը: Դեկտեմբերի 1-ից հանրապետությունում գրիպի դեմ սկսված է պատվաստումները: Այն համաշխարհային կազմակերպության կողմից ստուգված պատվաստանյութ է: Ցանկացողները՝ Ստեփանակերտում կարող են դիմել Հանրապետական բժշկական կենտրոն կամ «Արևիկ» մանկական հիվանդանոց, իսկ շրջաններում՝ համապատասխան շրջանային բուժհիմնարկներ: Ներկայումս մայրաքաղաքում կատարվել է 57 պատվաստում, իսկ շրջաններում՝ 53: Պատվաստումները պարտադիր բնույթ չեն կրում, այն իրականացվում է կամավոր սկզբունքով: Այն հիմնականում նախատեսված է ռիսկային խմբի անդամների համար: Պատվաստանյութը մարդու օրգանիզմի իմունիտետը պահպանում է 1 տարի: Ալերգիա ունեցողներին չի թույլատրվում»,-մանրամասնել է Կ. Բաբայանը՝ տեղեկացնելով, որ 2018 թվականի 9 ամիսների համեմատ, այս տարվա նույն ժամանակահատվածում հիվանդների թիվը նվազել է 892-ով:
Նա նաև նշել է, որ ԱՀ առողջապահության նախարարությունը կոչ է անում հիվանդներին,որպեսզի ժամանկին դիմեն բուժհիմնարկներ, չօգտագործեն հակաբիոտիկներ, թաք հագնվեն, օգտագործեն հնրավորինս շատ հյութեր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -27-:
