Artsakhpress

Քաղաքական

Տեղի է ունեցել ԱՀ Ազգային ժողովի և ՀՀ Ազգային ժողովի միջև համագործակցության հանձնաժողովի նիստը

Ստեփանակերտում այսօր կայացել է Արցախի Հանրապետության Ազգային ժողովի և Հայաստանի Հանրապետության Ազգային ժողովի միջև համագործակցության միջխորհրդարանական հանձնաժողովի հերթական նիստը:

Տեղի է ունեցել ԱՀ Ազգային ժողովի և ՀՀ Ազգային ժողովի միջև համագործակցության հանձնաժողովի նիստը

Տեղի է ունեցել ԱՀ Ազգային ժողովի և ՀՀ Ազգային ժողովի միջև համագործակցության հանձնաժողովի նիստը
ՍՏԵՓԱՆԱԿԵՐՏ, 17 դեկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նիստին ԱՀ Ազգային ժողովի նախագահ Աշոտ Ղուլյանն ասել է, որ նշված ժամանակաշրջանում գումարվել են մշտական հանձնաժողովների համատեղ նիստեր, տեղի են ունեցել տարբեր ձևաչափով հանդիպումներ: Մասնավորապես՝ Խորհրդարանի ղեկավարն առանձնացրել է ԱՀ Ընտրական օրենսգրքի ընդունման ժամանակ քննարկումներին մասնակցելու, օրենսդրության կատարելագործման տեսանկյունից մասնագիտական օժանդակություն և խորհրդատվություն տրամադրելու, մեր գործընկերների պատրաստակամությունը, ինչպես նաև երկու խորհրդարանների կրթության, գիտության, մշակույթի, սպորտի և երիտասարդության հարցերի հանձնաժողովների միջև ստորագրված նոր հուշագիրը:
Ա. Ղուլյանը շնորհակալություն է հայտնել ՀՀ Ազգային ժողովի նախագահին և բոլոր այն պատգամավորներին, ովքեր իրենք աշխատանքում հատուկ ուշադրություն են դարձնում Արցախին՝ միջազգային հարթակներում Արցախի ժողովրդի իրավունքների մասին բարձրաձայնելուց մինչև տարբեր երկրների խորհրդարանականներին Արցախ հրավիրելով և ուղեկցելով:
Իր հերթին ՀՀ Ազգային ժողովի նախագահ Արարատ Միրզոյանն ասել է, որ հանձնաժողովը, ըստ էության, պաշտոնական ամենակարևոր խողովակն է, որով դրսևորվում է երկու հանրապետությունների խորհրդարանների համագործակցությունը: Ա. Միրզոյանը նշել է, որ ՀՀ Ազգային ժողովի համար առաջնային նպատակ է տարբեր հարթակներում խոսել ինքնորոշման իրավունքից և պաշտպանել ազգային շահերը:
 
Հանձնաժողովի նիստին խորհրդարանականները քննարկել են «Ադրբեջանա-ղարաբաղյան կոնֆլիկտի շուրջ խոսույթը տարբեր հարթակներում» թեման: Ներկայացնլով այն՝ ՀՀ Գիտությունների ազգային ակադեմիայի թղթակից անդամ, «Քաղաքական հետազոտությունների ակադեմիա» հասարակական կազմակերպության ղեկավար Ալեքսանդր Մանասյանն ասել է, որ ղարաբաղյան հիմնախնդրի տարբեր ասպեկտներին գիտականորեն պետք է անդրադառնալ գլոբալացման համատեքստում: Բանախոսը կարծում է, որ այս դատողություններում պետք է առաջնորդվել քաղաքական ճշգրտության չափանիշներով, ինչը ենթադրում է, որ բանակցային գործընթացում հաղթող կողմը պետք է առաջադրի այնպիսի դրույթներ, որոնք ընդունելի են միջազգային հանրության համար:
 
Թեմայի վերաբերյալ ելույթներով հանդես են եկել պատգամավորներ Վլադիմիր Վարդանյանը, Տաթև Հայրապետյանը, Սերգեյ Բագրատյանը, Հայկ Խանումյանը և Արթուր Թովմասյանը:
Հանձնաժողովի նիստի օրակարգում ընդգրկված հաջորդ հարցը վերաբերում էր «Բարձրագույն կրթության և գիտության մասին» ՀՀ օրենքի նախագծի ընդհանուր ռազմավարության և աշխատանքային տարբերակի դրույթներին: Անդրադառնալով օրենքի նախագծին՝ ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանն ասել է, որ  այն քննարկվել է երկար ժամանակ, և ՀՀ կրթության, գիտության, մշակույթի ու սպորտի նախարարության կողմից որոշվել է բարձրագույն կրթության և գիտության մասին ունենալ մեկ օրենք, քանի որ բարձրագույն կրթության տրամաբանական շարունակականությունը գիտությունն է:
 
Հ. Հովհաննիսյանի խոսքով՝ նոր օրենքում ամրագրված են մի շարք կարևոր սկզբունքներ, այդ թվում՝ հետազոտության վրա հիմնված բարձրագույն կրթությունը, ակադեմիական ազատությունը և բուհական ինքնավարությունը, կրթական ծրագրերի մշակման գործընթացում տրվող ազատությունը և այլն:
Թեմայի վերաբերյալ ելույթներով հանդես են եկել պատգամավորներ Լիլիթ Մակունցը, Գևորգ Գորգիսյանը, Վլադիմիր Վարդանյանը, Սերգեյ Բագրատյանը, Արմեն Սարգսյանը, ԱՀ ԿԳՍ նախարար Նարինե Աղաբալյանը և Շուշիի տեխնոլոգիական համալսարանի ռեկտոր Հովհաննես Թոքմաջյանը:
Հանձնաժողովի նիստին խորհրդարանականները փակ ձևաչափով քննարկել են նաև մի շարք այլ հարցեր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախցիների համար ՀՀ կառավարության աջակցության ծրագրերում տեղի են ունեցել փոփոխություններ

Ստեփանակերտում հնչած կրակոցների հեղինակն արցախցիներ են. նրանք ձերբակալվել են

Տեղահանված արցախցիներին տրամադրելու համար շուրջ 700 առանձնատուն կվերանորոգվի

Կառավարությունը սկսում է տեղահանված ընտանիքներին բնակելի տներով ապահովելու ծրագրի առաջին փուլը

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Ստեփանակերտում քիչ առաջ լսված երկու պայթյունները պայմանավորված էին ականազերծման աշխատանքներով

Հակառակորդի կողմից արձակված կրակոցից ՊԲ զինծառայող է վիրավորվել

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

Search