Artsakhpress

Հասարակական

Մեկնարկել է առարկայական օլիմպիադայի քաղաքային փուլը

Այսօր՝ հունվարի 15-ին, Ստեփանակերտի N2 հիմնական դպրոցում պատմություն առարկայից անց է կացվել առարկայական օլիմպիադայի քաղաքային փուլը, որին ներկա էին ԱՀ կրթության, գիտության և սպորտի նախարար Նարինե Աղաբալյանը, Ստեփանակերտի քաղաքապետարանի աշխատակազմի կրթության և սպորտի բաժնի պետ Թերեզա Ղարախանյանը, ոլորտի աշխատակիցներ:

Մեկնարկել է առարկայական օլիմպիադայի քաղաքային փուլը

Մեկնարկել  է  առարկայական  օլիմպիադայի  քաղաքային   փուլը

ՍՏԵՓԱՆԱԿԵՐՏ, 15 հունվարի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Ստեփանակերտի քաղաքապետարանի աշխատակազմի կրթության և սպորտի բաժնի պետ Թերեզա Ղարախանյանն ասել է, որ օլիմպիադայի քաղաքային (շրջանային) փուլը մեկնարկել է հունվարի 14-ին:

Նրա խոսքով՝ օլիմպիադաներն անց են կացվում հանրակրթական 15 առարկաներից՝ ներառյալ ֆրանսերեն, անգլերեն և գերմաներեն օտար լեզուները:

«Բնագիտական մաթեմատիկա, ֆիզիկա, աշխարհագրություն, քիմիա, կենսաբանություն և ինֆորմատիկա առարկաներից օլիմպիադայի դպրոցական փուլին մասնակցել է 302 աշակերտ. ի դեպ, մաթեմատիկայից՝ 218 աշակերտ, քանի որ 5-րդ դասարանի աշակերտները ևս իրավունք են ունեցել մասնակցելու: Հումանիտար առարկաների օլիմպիադայի դպրոցական փուլը կայացել է հունվարի 9-11-ը, որին մասնակցել է 269 աշակերտ»,-ավելացրել է Թ. Ղարախանյանը:



Նա տեղեկացրել է, որ հունվարի 14-ին կայացած հայոց լեզու առարկայի օլիմպիադայի քաղաքային փուլին մասնակցել է 76 աշակերտ: Նշենք, որ օլիմպիադաներին մասնակցում են մայրաքաղաքի հանրակրթական բոլոր կրթօջախների, ինչպես նաև Արտաշես Շահինյանի անվան ֆիզմաթ հատուկ դպրոցի և Քրիստափոր Իվանյանի անվան ռազմամարզական վարժարանի սաները:


«Պատմություն առարկայից անցկացված քաղաքային օլիմպիադային այսօր մասնակցել են 26 աշակերտ. նախորդ տարվա համեմատ՝ մասնակիցների թիվը նվազել է: Առաջադրանքները նույնն են, տարբերություն չկա: Օլիմպիադայի արդյունքները հրապարակվում են հաջորդ օրը: Բնագիտական առարկաներից դժգոհությունը կենսաբանությունից էր. ըստ մասնագետների՝ և՛ տևողությունն էր, քիչ և՛ թեստերի մակարդակն էր ցածր: Հումանիտար առարկաների համար օլիմպիադայի տևողությունը նախատեսված է երկու ժամ, իսկ բնագիտական առարկաների համար՝ 3-4 ժամ: Նշենք, որ արդեն երկրորդ տարին է, ինչ ինֆորմատիկա առարկան անց է կացվում օն-լայն տարբերակով»,-մասնավորապես ասել է Թ. Ղարախանյանը:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search