Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -31-:
«Ակոս» թերթի հիմնադիր Հրանտ Դինքի մահվան 13-րդ տարելիցի կապակցությամբ հայաշատ տարբեր վայրերում կկազմակերպվեն միջոցառումներ:
Հրանտ Դինքի մահվան 13-րդ տարելիցին նվիրված՝ կկազմակերպվեն մի շարք միջոցառումներ
ՍՏԵՓԱՆԱԿԵՐՏ, 17 հունվարի, ԱՐՑԱԽՊՐԵՍ։ Սովորաբար Հրանտ Դինքի ընտանիքի անդամները այցելում են նրա շիրմին և կազմակերպում կրոնական արարողություններ, իսկ հասարակական կազմակերպությունները նախաձեռնում տարբեր ասուլիսներ:
Այս տարի հիշատակի ամենակարևոր միջոցառումը կկազմակերպվի հունվարի 19-ին՝ ժամը 15:00-ին, «Ակոս» թերթի նախկին խմբագրատան առջև:
Հունվարի 17-ին «Արաս» հրատարակչատան «Եսայան» սրահում դասախոսությամբ հանդես կգա Ումութ Թումայ Ասլանը։
Հունվարի 19-ին Պեյողլուի «Հանճը» անունը կրող վայրում Հրանտ Դինքի հիշատակին ձոնված համերգով հանդես կգա «Ոմանք» երաժշտական խումբը։
Լոս Անջելեսում Հրանտ Դինքի որդեգրած առաքելության մասին ելույթներով հանդես կգան Կարո Ղազարյանը, Թամար Նալճը, Ռոյ Առաքելյանը և Բագրատ Էսդուգյանը, իսկ Գերմանիայի Մաքսիմ Գորկու անվան թատրոնում այս տարի ևս բեմ կբարձրանան Թուրքիայից, Վրաստանից և Հայաստանից ժամանած արվեստագետներ:
Օտտավայում Սեն Լաուրս համալսարանի դասախոս Հովրդ Էյզընսթատը հանդես կգա «Ազգայնականությունն Օսմանյան կայսրության մեջ և արդի Թուրքիան» թեմայով դասախոսությամբ։
Նույն օրը տեղի կունենան նաև մի շարք այլ միջոցառումներ:
