Artsakhpress

Հասարակական

Ամփոփվել են ԱՀ ոստիկանության «2019 թվականի օպերատիվ-ծառայողական գործունեության» արդյունքները

Արցախի Հանրապետության ոստիկանությունում այսօր կայացել է կոլեգիայի նիստ, որի ընթացքում ամփոփվել են Արցախի Հանրապետության ոստիկանության ծառայությունների և տարածքային ստորաբաժանումների «2019 թվականի օպերատիվ-ծառայողական գործունեության» արդյունքները:

Ամփոփվել են ԱՀ ոստիկանության «2019 թվականի օպերատիվ-ծառայողական գործունեության» արդյունքները

Ամփոփվել են ԱՀ ոստիկանության «2019 թվականի օպերատիվ-ծառայողական գործունեության» արդյունքները
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ։ Այս մասին տեղեկացնում են ԱՀ ոստիկանության հասարակայնության հետ կապի և  լրատվության ծառայությունից:

Կոլեգիայի նիստը վարում էր ոստիկանության պետ, գեներալ-լեյտենանտ Լևոն Մնացականյանը:

«2019 թվականի օպերատիվ-ծառայողական գործունեության» արդյունքների ամփոփմանը ներկա էին ոստիկանության ղեկավար կազմը, ոստիկանության պետի աշխատակազմի, շտաբի, վարչությունների, բաժինների, բաժանմունքների և տարածքային ստորաբաժանումների պետերն ու տեղակալները:

Նիստի սկզբում հիմնական զեկույցով հանդես է եկել ԱՀ ոստիկանության պետի 1-ին տեղակալ, ոստիկանության գեներալ-մայոր Անդրանիկ Հակոբյանը:

Նա իր ելույթում նշեց, որ ոստիկանությունը 2019 թվականին համապատասխան աշխատանքներ է իրականացրել հանցավորության դեմ պայքարի ուղղությամբ, ինչի արդյունքում անցած տարվա ընթացքում հանրապետությունում լիովին վերահսկվել է օպերատիվ իրավիճակն ու պահպանվել կայուն հասարակական կարգուկանոն:

2019 թվականին հանրապետությունում գրանցված հանցագործությունների ընդհանուր թիվը նախորդ տարվա համեմատ աճել է 28.8%-ով կամ 213 դեպքով, որը հիմնականում պայմանավորված է մարդու, սեփականության, պետական իշխանության, ծառայության և կառավարման կարգի դեմ ուղղված հանցագործությունների թվի աճով: Հանցագործությունների աճ է գրանցվել մայրաքաղաքում և հանրապետության 6 շրջաններում, նվազել է միայն Մարտունու շրջանում:

Հանցավորության կառուցվածքում աճել է մարդու, սեփականության և պետական իշխանության, ծառայության և կառավարման կարգի, նվազել` հասարակական անվտանգության, հասարակական կարգի և բնակչության առողջության, տնտեսական գործունեության ու շրջակա միջավայրի անվտանգության դեմ ուղղված հանցագործությունների տեսակարար կշիռները:
Հիմնական զեկույցից հետո ելույթներով հանդես եկան քրեական հետախուզության վարչության պետը, ճանապարհային ոստիկանութայն պետը, տնտեսական և պաշտոնեական հանցագործությունների դեմ պայքարի բաժնի պետը, հասարակական կարգի ապահովման բաժնի պետը, Ստեփանակերտ քաղաքի վարչության պետը, Հադրութի, Քաշաթաղի ու Շահումյանի շրջանային բաժնի պետերը:

Ելույթներից հետո կոլեգիայի որոշման նախագիծը ներկայացրել է ԱՀ ոստիկանության պետի տեղակալ-շտաբի պետ, ոստիկանության գեներալ-մայոր Բորիս Ենգիբարյանը:

Ոստիկանության պետ, գեներալ-լեյտենանտ Լևոն Մնացականյանը հակիրճ անդրադարձել է ներկայացված ելույթներին, անդրադարձել ոստիկանության բոլոր ստորաբաժանումների և ծառայությունների նախորդ տարվա գործունեությանը, մատնանշել է թերություններն ու բացթողումները և կոնկրետ հանձնարարականներ տվել 2020 թվականին դրանք վերացնելու ուղղությամբ և հույս հայտնել, որ 2020 թվականին ոստիկանության ստորաբաժանումները կշարունակեն հետևողական աշխատանքներ իրականացնել հանցավորության դեմ պայքարն առավել արդյունավետ կազմակերպելու, կատարողական և ծառայողական կարգապահությունն ամրապնդելու ուղղությամբ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -49-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search