«Արցախը պատրաստ է ընդունել ադրբեջանցիներին, եթե կընդունեն Արցախի իրավասությունն այս տարածքում». Արտակ Բեգլարյան (տեսանյութ)
«Արցախը պատրաստ է ընդունել ադրբեջանցիներին, եթե կընդունեն Արցախի իրավասությունն այս տարածքում»:
«Արցախը պատրաստ է ընդունել ադրբեջանցիներին, եթե կընդունեն Արցախի իրավասությունն այս տարածքում». Արտակ Բեգլարյան (տեսանյութ)
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ։ Արցախի մարդու իրավունքների պաշտպան Արտակ Բեգլարյանը կարծում է, որ այսպես կոչված «Ղարաբաղի ադրբեջանական համայնքի»՝ ԵԽ պատգամավորներին ուղղված նամակը, որում համայնքը վերջերս մատնանշել էր, թե ցանկանում է վերադառնալ եւ հայերի հետ խաղաղ ապրել, սակայն հայերը չեն ուզում, քարոզչական հնարք է, փոխանցում է aravot.am-ը:
«Ադրբեջանը ստիպված փորձել է ինչ-որ «բլեֆ» անել եւ ներկայացնել, թե այդ համայնքը խաղաղության է պատրաստ: Հաջորդ «բլեֆն» այն է, որ այդ համայնքին եւ Արցախին փորձում են «համարժեք» հարթակում ներկայացնել»,-լրագրողների հետ զրույցում այսօր ասաց Արտակ Բեգլարյանը:
«Երբ մենք խոսում ենք Արցախի՝ բանակցություններին լիարժեք մասնակցության մասին, Ադրբեջանն այդ կերպ փորձում է «հավասարակշռել» իր համայնքով: Որպես Արցախի ՄԻՊ՝ պաշտոնապես հայտարարում եմ, որ Արցախի հանրապետությունը պատրաստ է ընդունել ադրբեջանցիներին իր հանրապետությունում: Ես էլ իմ լիազորությունների շրջանակում պատրաստ եմ պաշտպանել նրանց իրավունքները, եթե պատրաստ են գալ Արցախ եւ արցախահայության հետ հավասար ընդունել Արցախի հանրապետության լիազորություններն ու իրավասությունն այս տարածքում»,-շեշտեց նա:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -59-: