Artsakhpress

Հասարակական

Կազմակերպվելու է զբոսավարների պատրաստման անվճար դասընթաց

Հայկական բարեգործական ընդհանուր միությունը (ՀԲԸՄ) և ԱՀ մշակույթի, երիտասարդության հարցերի և զբոսաշրջության նախարարությունը համատեղ կազմակերպելու են զբոսավարների պատրաստման անվճար դասընթաց. այն մեկնարկելու է փետրվարի 3-ից և տևելու է մինչև ապրիլի 15-ը:

Կազմակերպվելու է զբոսավարների պատրաստման անվճար դասընթաց

Կազմակերպվելու  է  զբոսավարների պատրաստման անվճար դասընթաց
ՍՏԵՓԱՆԱԿԵՐՏ, 20 հունվարի, ԱՐՑԱԽՊՐԵՍ։ Այս  մասին   «Արցախպրես»-ի  թղթակցի  հետ  զրույցում ասել է    ԱՀ մշակույթի, երիտասարդության հարցերի և զբոսաշրջության նախարարության զբոսաշրջության և պատմական միջավայրի պահպանության վարչության պետ  Արտակ  Գրիգորյանը:
 
Նրա  խոսքով՝   զբոսավարի կարևոր ու պահանջված հմտություն ձեռք բերելու այս բացառիկ հնարավորությունն Արցախում բնակվող ակտիվ, ստեղծագործական մտածելակերպով, նոր փորձառության ու գիտելիքների  պատրաստ երիտասարդների համար է։
«Ծրագիրը բաղկացած է երկու փուլից՝ տեսական ու գործնական, որոնք վարվելու են հայերեն լեզվով։ Մասնակիցները անցնելու են նաև սկսնակ և միջին մասնագիտական անգլերեն լեզվի դասընթացներ՝ առաջին և երկրորդ փուլերին համապատասխան։ Զբոսավարների պատրաստման դասընթացի ավարտին տրամադրվելու են մասնակցության վկայականներ։ Մասնակցության   հայտ կարող են  դիմել   18-35 տարեկան այն քաղաքացիները, ովքեր տիրապետում են զբոսաշրջություն, բանասիրություն, աշխարհագրություն և պատմություն գիտելիքներին  (ուսանողներ և շրջանավարտներ), ինչպես  նաև   այն  անձինք, ում աշխատանքային գործունեությունն  առնչվում է  զբոսաշրջության բնագավառի հետ,  երիտասարդ ուսուցիչներ գյուղական համայնքներից, թանգարանների և զբոսաշրջային վայրերի աշխատողներ,մարդիկ, ովքեր  ցանկություն  ունեն ինքնազբաղվածությամբ աշխատելու զբոսաշրջության ոլորտում, ակտիվ երիտասարդներ, ովքեր ծավալում են կամավորական գործունեություն, նրանք, ովքեր  պատրաստ   են առնվազն 3 ամիս ծանրաբեռնված գրաֆիկով սովորելուն: Բարձրագույն կրթությունն ու անգլերենի իմացությունը ողջունելի է, անգլերենի թույլ իմացությամբ հավակնորդներն անցնելու են տարրական և միջին մասնագիտական անգլերեն լեզվի դասընթացներ, իսկ  անգլերենի լավ իմացությամբ հավակնորդներն անցնելու են միայն միջին մասնագիտական անգլերեն լեզվի դասընթացներ: Դասընթացին մասնակցել ցանկացողները կարող են լրացնել հայտ-դիմումը մինչև հունվարի 26-ը։ Մասնակցելու չափանիշներին համապատասխանող հավակնորդները անցնելու են հարցազրույցի փուլ, որի հիման վրա կատարվելու է հավակնորդների  ընտրություն»,- տեղեկացրել  է  Ա. Գրիգորյանը:
 
Մեր  զրուցակիցն    ավելացրել է  նաև, որ  հավակնորդների ընտրության ժամանակ հատուկ կարևորություն է տրվելու մոտիվացիոն նամակներին: Դասընթացներին մասնակցելու իրավունք են ստանալու ընտրված 20 հավակնորդներ։ Դասընթացները վարելու են Արցախի Հանրապետության և Հայաստանի Հանրապետությունից հրավիրված բարձր որակավորում ունեցող մասնագետներ։
«Արցախում բարձրակարգ ծառայություններ մատուցող զբոսավարների պատրաստումը  հիանալի հնարավորություն է զբոսաշրջության ոլորտում ինքնազբաղվածություն ապահովելու և հետագայում նաև հաջողակ ձեռներեցությամբ զբաղվելու համար»,-ընդգծել է  Ա. Գրիգորյանը։
 
Նշենք, որ     հարցերի   դեպքում ցանկացողները կարող  են    զանգել +374 97 399175, +374 73-34-28 հեռախոսահամարներով,   կամ   գրել  a.grigoryan@artsakh.travel Էլեկտրոնային հասցեին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search