Artsakhpress

Հասարակական

NASA-ն հրապարակել Է «Մարս-2020» մարսագնացի համար անունների համառոտ ցանկը

Որոշվել Է այն ինն անուններից բաղկացած ցանկը, որոնցից մեկը պաշտոնական անվանում կդառնա հինգերորդ մարսագնացի համար, որն ԱՄՆ-ի տիեզերական գործակալությունն այս տարի կուղարկի Մարս:

NASA-ն հրապարակել Է «Մարս-2020» մարսագնացի համար անունների համառոտ ցանկը

NASA-ն հրապարակել Է «Մարս-2020» մարսագնացի համար անունների համառոտ ցանկը
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ-ԱՐՄԵՆՊՐԵՍ։ Ցանկը հրապարակել Է NASA-ի Ռեակտիվ շարժման լաբորատորիայի (JPL) մամուլի ծառայությունը:
«Մենք շատ ենք հպարտանում, որ մեր կոչը գրավել Է մի քանի հազար դպրոցականների եւ փորձագետների ուշադրությունը: Այժմ խոսքը հանրությանն Է. ցանկացած մարդ կարող Է իր ձայնը տալ անվան հավանած տարբերակին»,- պատմել Է NASA-ի մոլորակագիտության բաժանմունքի ղեկավար Լորի Գլեյզը: Անցյալ տարվա օգոստոսին հայտնի Է դարձել, որ այդ ապարատի անունը կընտրեն ամերիկացի դպրոցականները, որոնք շարադրություն կգրեն Մարսի ուսումնասիրման թեմայով եւ դրանք կուղարկեն NASA: Ընդհանուր առմամբ, ինչպես նշել Է Գլեյզը, մրցույթի առաջին փուլին մասնակցել Է ավելի քան 28 հազար երեխա:
Հունվարի կեսերին NASA-ի փորձագետներն ամփոփել են մրցույթի առաջին փուլի արդյունքները եւ հրապարակել կիսաեզրափակչի 155 մասնակիցների ցուցակը, որոնցից սոսկ մեկը հնարավորություն կստանա անուն շնորհելու մարսագնացին եւ մասնակցելու այս տարա հուլիսին Քանավերալի հրվանդանի տիեզերակայանից դրա արձակման արարողությանը: Հունվարի 22-ին Գլեյզը եւ նրա գործընկերները հրապարակել են ինը ֆինալիստների ցանկը: Մրցույթի արդյունքները կամփոփեն մարտին: Համառոտ ցանկում հայտնված բոլոր անունները կապված են մարդու զանազան դրական հատկությունների՝ անսասանության (Endurance), քաջության (Courage), տոկունության (Fortitude), հանճարեղության (Ingenuity), կամքի աներերության(Tenacity), ներուժի (Promise), հաստատակամության (Perseverance), կանխատեսության (Vision) եւ մտքի պայծառության (Clarity) հետ: Եվս մեկ մարսագնացի՝ թվով հինգերորդի ստեղծման մասին NASA-ի ներկայացուցիչները հայտարարել են 2012 թվականի դեկտեմբերին: Այն կդառնա Curiosity-ի յուրօրինակ հաջորդը, որը Մարսի վրա վայրԷջք կատարեց 2012 թվականի օգոստոսին: Նոր ապարատը, որն ստացել Է «Մարս-2020» ոչ պաշտոնական անվանումը, տիեզերք դուրս կբերվի 2020 թվականի ամռան կեսերին: Այն պետք Է Կարմիր մոլորակի Եզեյրո խառնարանում վայրԷջք կատարի 2021 թվականի փետրվարին, հաղորդել Է ՏԱՍՍ-ը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -62-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Ստեփանակերտ-Երևան երկկողմանի ճանապարհները փակ են. ԱԻՊԾ

Search