Artsakhpress

Մշակույթ

Արցախն ակտիվորեն մասնակցել է միջազգային մրցույթ-փառատոններին. նախարար

Անցած տարվա ողջ ընթացքում ժամանակաշրջանում ժամանակակից արվեստի և մշակութային կրթության բաժինն իր քաղաքականության մեջ առաջնահերթ նշանակություն է տվել ազգային մշակույթի պահպանմանը, հանրապետությունում մշակութային կյանքի աշխուժացմանը, մատաղ սերնդի շրջանում ազգային գաղափարախոսության ուժեղացմանը, գեղարվեստական կրթության ավանդույթների պահպանմանն ու զարգացմանը, հասարակության սոցիալական և տարիքային բոլոր խմբերի գեղագիտական պահանջմունքների զարգացմանը, մշակույթի բնագավառի մանկավարժական կադրերի վերապատրաստմանն ու վերաորակավորմանը, տաղանդավոր երեխաների կրթության, ստեղծագործական ունակությունների զարգացման ու ինքնադրսևորման համար պայմանների ապահովմանը:

Արցախն ակտիվորեն մասնակցել է միջազգային մրցույթ-փառատոններին. նախարար

Արցախն  ակտիվորեն  մասնակցել   է   միջազգային     մրցույթ-փառատոններին.  նախարար

ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսի ժամանակ ասել է ԱՀ մշակույթի, երիտասարդության, հարցերի և զբոսաշրջության նախարար Լեռնիկ Հովհաննիսյանը:

Նրա խոսքով՝ բաժնի կողմից վերահսկվել է նախարարության ընդունած հրամանների, որոշումների և հրահանգչական փաստաթղթերի գործառնության իրագործումը համակարգի հիմնարկներում:

«Ուսումնասիրվել, քննարկվել և տրվել են պատասխաններ ստացված գրություններին և դիմում-բողոքներին: ԱՀ երաժշտական և արվեստի դպրոցներ են ուղարկվել երաժիշտ կատարողների «Վերածնունդ» միջազգային 11-րդ մրցույթ-փառատոնի, «Երգող Հայաստան» մանկապատանեկան երգչախմբերի հանրապետական 10-րդ մրցույթի կանոնակարգերը: Հաշվետու ժամանակահատվածում բաժինը համապատասխան աշխատանքներ է տարել ՀՀ և արտերկրի հետ մշակութային կապերի ամրապնդման ու զարգացման ուղղությամբ: «ՀՀ և արտերկրի հետ համագործակցություն» ծրագրով կազմակերպվել է ԱՀ մշակույթի ոլորտի ուսումնական հաստատությունների սովորողների գիտաճանաչողական այցը Երևան և Ծաղկաձոր քաղաքներ: Ապահովվել է Հադրութի շրջանի Տողի արվեստի դպրոցի շնորհալի աշակերտների մասնակցությունը «Արտ մյուզիք» արվեստի միջազգային 10-րդ մրցույթ-փառատոնին, Ստեփանակերտի Սայաթ-Նովայի անվան երաժշտական քոլեջի 2 ուսանողների մասնակցությունը Առնո Բաբաջանյանի անվան պատանի և երիտասարդ դաշնակահարների 5-րդ միջազգային մրցույթ-փառատոնին,Երևանի Կոմիտասի անվան պետական կոնսերվատորիայի արցախցի ուսանողուհի Աննա Խաչատրյանի մասնակցությունը Իսպանիայի Լորետ Դե Մար քաղաքում կայացած երաժշտական մրցույթ-փառատոնին, «Արցախի մշակույթի օրերը Լիբանանում» ծրագրի շրջանակներում տաղանդավոր երգիչ Արթուր Խաչենցի մասնակցությունը Լիբանանի մի շարք քաղաքներում կայացած միջոցառումներին, կիթառահար Արարատ Գրիգորյանի մասնակցությունը Երևանում կայացած վերապատրաստման դասընթացներին, Ստեփանակերտի Սայաթ-Նովայի անվան երաժշտական քոլեջի ուսանող Գևորգ Պետրոսյանի մասնակցությունն Իտալիայի Ռիմինի քաղաքում կայացած «Լուիջի Զանուչոլի» երիտասարդ երաժիշտների 17-րդ միջազգային մրցույթին, Արցախի պարի պետական համույթի մասնակցությունը համահայկական 7-րդ ամառային խաղերի փակման արարողությանը, «Տնջրե» ազգագրական երգի-պարի համույթի մասնակցությունը ՀՀ Երևան քաղաքում կայացած «Գութան» ազգագրական երգի-պարի փառատոնին, կազմակերպվել են, ժողովրդական ստեղծագործական համառուսական 27-րդ փառատոնի շրջանակներում «Դիզակի գույները» սիմպոզիումի մասնակիցների ցուցահանդեսը Չուվաշիայում, Արցախի պարի պետական համույթի հյուրախաղերը ՀՀ մարզերում:

Ծրագրի շրջանակներում Ստեփանակերտում կազմակերպվել են երգեցողության վարպետության դասեր՝ ՀՀ-ից հրավիրված մասնագետ կոմպոզիտոր Ռոբերտ Ամիրխանյանի, ՀՀ մշակույթի վաստակավոր գործիչ, երգահան Էդգար Գյանջումյանի կողմից, ինչպես նաև Արցախի պարի պետական համույթի ստեղծման 20-ամյակին նվիրված երեկո, որին ՀՀ-ից հրավիրվել է «Բերդ» պարային համույթը»,- մասնավորապես ասել է Լ. Հովհաննիսյանը:

Նա հավելել է, որ բաժինն իր աշխատանքներում մեծ կարևորություն է տվել շնորհալի և տաղանդավոր երեխաների բացահայտմանը, նրանց ստեղծագործական կարողությունների և հմտությունների զարգացմանը, մասնագիտական ինքնադրսևորման համար արդյունավետ միջավայրի ստեղծմանը: «Արցախի շնորհալի և տաղանդավոր երեխաների ստեղծագործական կարողությունների զարգացում» ծրագրի շրջանակներում Ստեփանակերտում կազմակերպվել էարվեստի «Վերածնունդ» 11-րդ միջազգային մրցույթ-փառատոնը, որին 15 անվանակարգերում մասնակցել են 120 սաներ: Նախաձեռնվել է նաև Երևանի Սարգիս Բարխուդարյանի անվան և Ստեփանակերտի Հակոբ Գյուրջյանի անվան արվեստի դպրոցների համատեղ համերգը մայրաքաղաքի Շառլ Ազնավուրի անվան մշակույթի կենտրոնի դահլիճում:

Նախարարը նշել է, որ բաժնի կողմից պարբերաբար համապատասխան աշխատանքներ են տարվել ոլորտի կադրերին մեթոդական օգնություն ցուցաբերելու և նրանց մասնագիտական հմտությունների զարգացմանն ուղղված միջոցառումների կազմակերպման ուղղությամբ՝ հայտարարելով, որ «Արցախ» ազգային նվագարանների նվագախումբը պետական կարգավիճակ է ստացել:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -44-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search