ԱՀ Նախագահի 2017-2020թթ. ծրագրից բխող միջոցառումների կատարման շրջանակներում իրականացվել են նախկինում գրանցված (հաշվառված) 87 (234) սուբյեկտների վերաբերյալ ամբողջական տեղեկությունների`էլեկտրոնային եղանակով e-register.am կայքում տեղադրման աշխատանքներ:
e-register.am կայքում տեղադրվել են 87 սուբյեկտների վերաբերյալ ամբողջական տեղեկություններ
ՍՏԵՓԱՆԱԿԵՐՏ, 23 հունվարի, ԱՐՑԱԽՊՐԵՍ: «Արցախպրես»-ի հաղորդմամբ՝ այս մասին այսօր կայացած ամփոփիչ մամուլի ասուլիսի ժամանակ ասել է ԱՀ արդարադատության նախարար Արարատ Դանիելյանը: Նախարարի հանձնարարությամբ և վերահսկողությամբ, աշխատակազմի իրավական ակտերի փորձաքննության և օրենսդրության կատարելագործման բաժնի հետ համաձայնեցմամբ մշակվել են մի շարք օրենքների նախագծեր:
«Պետական գրանցման են ենթարկվել 220 (198) առևտրային և 55 (28) ոչ առևտրային տիպի իրավաբանական անձ, 468-ի (389) հիմնադիր փաստաթղթերի փոփոխությունները սահմանված կարգով գրանցվել են (ստացել են ընթացիկ գրանցում), իսկ 18-ի (16) գործունեությունը` դադարեցվել: Սահմանված կարգով պետական հաշվառման են վերցվել 1 (-) հիմնարկ և 2 (5) իրավաբանական անձի առանձնացված ստորաբաժանում, 91 (27) հիմնարկ և 3 (3) իրավաբանական անձի առանձնացված ստորաբաժանում` ենթարկվել են ընթացիկ պետական հաշվառման:
Պետական հաշվառման են ենթարկվել նաև 984 (916) անհատ ձեռնարկատեր, 199-ը` (148) ստացել ընթացիկ պետական հաշվառում, իսկ 102-ի (54) գործունեությունը` դադարեցվել: 81 (4) սուբյեկտի վերաբերյալ տրամադրվել են պետական ռեգիստրում պահվող և ինտերնետային կայքում տեղադրված ամբողջական տեղեկություններ: Գործակալության կողմից գրանցվել է 1 (-) հատուկ թույլտվություն պահանջող ֆիրմային անվանման («Արցախ» բառի ֆիրմային անվանման տարբերակող նշանակության անվան մեջ օգտագործելու) թույլտվության գործողության դադարեցում: Պետական միասնական գրանցամատյանից տրվել են 637 (601) տեղեկանքներ»,- մանրամասնել է Ա. Դանիելյանը:
Նախարարը նշել է, որ վերը նշված պետական գրանցումների և պետական հաշվառումների դիմաց գանձվել է 11 միլիոն 439 հազար 500 (10 միլիոն 355 հազար) դրամ պետական տուրք: Գործակալության կողմից մատուցած վճարովի ծառայությունների արդյունքում արտաբյուջե է մտցվել 2 միլիոն 886 հազար (1 միլիոն 978 հազար) դրամ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -52-:
