Դատական ակտերի հարկադիր կատարումն ապահովող ծառայության կողմից 2019 թվականին հարուցվել են 9743 (10149) կատարողական վարույթներ՝ նախորդ տարուց մնացած 2716-ի (2124) հետ կազմելով 12459 (12273):
ԴԱՀԿԱ ծառայության կողմից հարուցվել է 9743 վարույթ. Արարատ Դանիելյան
ՍՏԵՓԱՆԱԿԵՐՏ, 23 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած ամփոփիչ մամուլի ասուլիսի ժամանակ ասել է ԱՀ արդարադատության նախարար Արարատ Դանիելյանը և ավելացրել, որ նշված կատարողական վարույթներից փաստացի կատարման հիմքով կարճվել են 4928-ը (5010), ավարտվել` 4859-ը (4547): Անավարտ կատարողական վարույթների մնացորդը կազմում է 2672 (2716):
Նա նշել է, որ դատական ակտերի հարկադիր կատարումն ապահովող ծառայության կողմից փաստական գանձման է ենթարկվել 1 միլիարդ 63 միլիոն 817 հազար 731 (1 միլիարդ 261 միլիոն 76 հազար 247.7) դրամ: Չբռնագանձված գումարի չափը կազմում է 1 միլիարդ 802 միլիոն 422 հազար 239.4 (2 միլիարդ 216 միլիոն 565 հազար 1) դրամ: «Հարկադիր կատարումն ապահովող ծառայության կողմից հայտարարվել են արգելադրված գույքի ամենամսյա հարկադիր աճուրդ-վաճառքներ, որոնց իրացումից ստացված գումարներն ուղղվել են պահանջատերերի պարտքերի մարմանը: Նախարարության արտաբյուջետային միջոցների հաշվին լռիվությամբ նորացվել է ԴԱՀԿԱ ծառայության ցանցային համակարգը, ինչպես նաև ծառայությունում օգտագործվող կատարողական վարույթների էլեկտրոնային համակարգերի սերվերները»,- նշել է Ա. Դանիելյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -53-: