Artsakhpress

Քաղաքական

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Մարտի 31-ին կայանալիք համապետական ընտրություններին մասնակցելու համար ԱՀ Կենտրոնական ընտրական հանձնաժողովը փետրվարի 15-ի ժամը 18:00-ի դրությամբ ստացել է Արցախի Հանրապետության նախագահի 14 թեկնածուների գրանցման փաստաթղթեր:

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն
ՍՏԵՓԱՆԱԿԵՐՏ, 15 փետրվարի, ԱՐՑԱԽՊՐԵՍ։ ԱՀ ԿԸՀ մամլո ծառայության փոխանցմամբ՝ ընդհանուր առմամբ, ներկայացված 14 թեկնածուներից 8-ը առաջադրվել են կուսակցությունների կամ կուսակցությունների դաշինքի կողմից, իսկ 6-ը՝ ինքնաառաջադրմամբ:
 
ԿԸՀ-ն ստացել է նախագահի թեկնածու առաջադրված «Անկախության սերունդ» կուսակցության կողմից Ռուսլան Իսրայելյանի, Արցախի «Արդարություն» կուսակցության կողմից Վիտալի Բալասանյանի, Արցախի «Պահպանողական» կուսակցության կողմից Դավիթ Բաբայանի, «Հայ Յեղափոխական Դաշնակցություն» կուսակցության կողմից Դավիթ Իշխանյանի, «Արցախի ժողովրդավարական» կուսակցության կողմից Աշոտ Ղուլյանի, «Ազգային Վերածնունդ» կուսակցության կողմից Հայկ Խանումյանի, «Ազատ Հայրենիք-Քաղաքացիական միացյալ դաշինք» կուսակցությունների դաշինքի կողմից Արայիկ Հարությունյանի, «Միացյալ Հայաստան» կուսակցության կողմից Վահան Բադասյանի և ինքնաառաջադրված թեկնածուներ Մասիս Մայիլյանի, Սերգեյ Ամիյանի, Քրիստին Բալայանի, Բելլա Լալայանի, Մելսիկ Պողոսյանի և Աշոտ Դադայանի գրանցման փաստաթղթերը:
 
Ազգային ժողովի ընտրություններին մասնակցելու համար ընտրական ցուցակ են ներկայացրել 2  կուսակցությունների դաշինքներ և 10  կուսակցություններ:
Ազգային ժողովի ընտրություններին մասնակցելու համար ընտրական ցուցակ են ներկայացրել «Ազատ Հայրենիք-Քաղաքացիական միացյալ դաշինք» կուսակցությունների դաշինքը՝ 65 թեկնածուների, «Նոր Արցախ» կուսակցությունների դաշինքը»՝ 31 թեկնածուների, Արցախի «Պահպանողական» կուսակցությունը՝ 16 թեկնածուների, «Միասնական հայրենիք» կուսակցությունը՝ 62 թեկնածուների, «Հայ Հեղափոխական Դաշնակցություն» կուսակցությունը՝ 33 թեկնածուների, «Արցախի ժողովրդավարական» կուսակցությունը՝ 32 թեկնածուների, Արցախի «Արդարություն» կուսակցությունը՝ 35 թեկնածուների, Արցախի «Հեղափոխական» կուսակցությունը՝ 17 թեկնածուների,«Ազգային վերածնունդ» կուսակցությունը՝ 20 թեկնածուների, Լեռնային Ղարաբաղի կոմունիստական կուսակցությունը՝ 17 թեկնածուների, «Անկախություն սերունդ» կուսակցությունը՝ 17 թեկնածուների, Միացյալ Հայաստան» կուսակցությունը՝ 16 թեկնածուների ընդգրկմամբ:
 
Նշենք, որ ներկայացված փաստաթղթերը ԱՀ կենտրոնական ընտրական հանձնաժողովում ուսումնասիրվում են: Առաջադրված բոլոր ընտրական ցուցակներին հնարավոր կլինի ծանոթանալ փետրվարի 18-ին`ԿԸՀ կայքում: Համաձայն ԱՀ ընտրական օրենսգրքի 98-րդ հոդվածի 2-րդ մասի և 121-րդ հոդվածի 4-րդ մասի` թեկնածուների գրանցումը, կուսակցությունների (կուսակցությունների դաշինքների) ընտրական ցուցակների գրանցումը կիրականացվի մինչև 2020թ. փետրվարի 25-ի ժամը 18:00-ն:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Համապետական ընտրություններին մասնակցել են ընտրողների 72,7%-ը. ԿԸՀ նախագահ

ԱՀ ՊՆ-ն արձագանքել է Վիտալի Բալասանյանի հայտարարությանը

Ֆինանսների նախարարությունը Վիտալի Բալասանյանից փաստեր է պահանջում

Արցախում կանցկացվի նախագահական ընտրությունների երկրորդ փուլը

«Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը 

Առայսօր կորոնավիրուսային վարակի դեպք չի գրանցվել. կա 2 մեկուսացված քաղաքացի. Տեղեկատվական շտաբ

Ո՞ւմ են ընտրելու արցախցիները նախագահական ընտրություններում. հարցախույզ (տեսանյութ)

Ապրելու եմ Արցախում և իմ հնարավորությունների սահմաններում օգտակար եմ լինելու մեր հայրենիքին. Բակո Սահակյան

Search