Երգչուհին ոչ միայն երգել է, այլև անսովոր դեր ստանձնել ընկերուհու խնդրանքով։ Մարդիկ գնահատել են ոչ միայն ելույթը, այլև Ադելի արտաքինը։
Անճանաչելի դարձած Ադելը երգել է ընկերուհու հարսանիքին. տեսանյութեր
ՍՏԵՓԱՆԱԿԵՐՏ, 17 փետրվարի, ԱՐՑԱԽՊՐԵՍ։ Բրիտանացի երգչուհի Ադելն Instagram–ի իր էջում լավագույն ընկերուհու` Լորա Դոքրիլի ու նրա փեսացու Ուգո Ուայթի հարսանիքից լուսանկարներ ու տեսանյութեր է հրապարակել, գրում է Armeniasputnik.am-ը:
2017 թվականից ի վեր 31–ամյա երգչուհին առաջին անգամ է հանրության առաջ ելույթ ունեցել (բացառություն են եղել մտերիմների համար հազվադեպ ելույթները մասնավոր խնջույքները ժամանակ)։
Հանդիսության ամենաթեժ պահին Ադելը բեմ է դուրս եկել ու կատարել իր ամենահայտնի երգերից մեկը` Rolling In The Deep–ը։ Բացի իր երգերից, Ադելը երգել է նաև բրիտանական «Spice Girls» խմբի «Spice Up Your Life» հիթը։
Ադելը ոչ միայն երգել է, այլև ընկերուհու խնդրանքով պսակադրել է զույգին։ Խնջույքի հյուրերը նկատել են, որ Ադելը շատ է նիհարել։
Երգչուհին ավելի վաղ ասել էր, որ մարզասրահ հաճախելու արդյունքում ազատվել է 45 կիլոգրամից։
Բաժանորդները հիացական մեկնաբանություններ են գրել։