Artsakhpress

Հասարակական

Մայրենիի միջազգային օրվան նվիրված՝ Ստեփանակերտում միջոցառում է կազմակերպվել

Այսօր՝ փետրվարի 21-ին, Ստեփանակերտի «Գրիգոր Նարեկացի» համալսարանում Մայրենիի միջազգային օրվան նվիրված միջոցառում է կազմակերպվել ՝ «Անաղարտ պահենք հայոց լեզուն» խորագրով:

Մայրենիի միջազգային օրվան նվիրված՝ Ստեփանակերտում միջոցառում է կազմակերպվել

Մայրենիի միջազգային օրվան նվիրված՝ Ստեփանակերտում միջոցառում է կազմակերպվել

ՍՏԵՓԱՆԱԿԵՐՏ, 21 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել բանասիրական գիտությունների դոկտոր, ԳՆՀ ռեկտոր, Արցախի գրողների միության նախագահ Վարդան Հակոբյանը:

Նրա խոսքով՝ մայրենիին նվիրված միջոցառումները պետք է կրեն շարունակական բնույթ, իսկ նարեկցիներն էլ մեսրոպյան լեզուն անաղարտ պահելու գործում մշտապես լինեն առաջատարներ:
«Միայն լեզուն է, որ անսխալ ցույց է տալիս մեր ճանապարհը: Նրա անաղարտությունը մեր հոգու և մտքի մաքրության գրավականն է: Լեզուն այն ավազանն է, որտեղ մկրտվում է մեզնից յուրաքանչյուրը»,-մասնավորապես ասել է նա:
Միջոցառմանը ներկա ԳՆՀ որակի ապահովման կենտրոնի տնօրեն, բանասիրական գիտությունների թեկնածու, դոցենտ Ամալյա Գրիգորյանն իր ելույթում ասել է, որ տարիներ առաջ հաշվի առնելով լեզուների հանդեպ առկա ոտնձգությունները՝ ՅՈՒՆԵՍԿՕ-ի կողմից փետրվարի 21-ը հռչակվել է Մայրենի լեզվի միջազգային օր՝ լեզուների իրավունքները պաշտպանելու և դրանց գործակցությանը աջակցելու նպատակով:
«Հայ ինքնության պահպանման կռվանը հայոց լեզուն է: Ցավոք սրտի այսօր արևմտահայերենը ՅՈՒՆԵՍԿՕ-ի կողմից ճանաչվել է որպես վերացող լեզու և ունենալով նման հիմնախնդիրներ թե´ մեր հայրենիքում և թե´ սփյուռքում, մենք պետք է ավելի միասնական լինենք, այնպես անենք, որ արևմտահայերենը պահպանվի գոնե մեր հայրենիքում: Մեր համալսարանը նույնպես զբաղվում է այդ հիմնախնդրով՝ կազմակերպելով արևմտահայերենի դասընթացներ և հրատարակելով համապատասխան աշխատություններ՝ հանրության մեջ օտարամոլությունը վերացնելու համար: Կարծում եմ միասնական ջանքերի շնորհիվ մենք կարող ենք զարգացնել, անաղարտ պահել մեր լեզուն և փոխանցել մեր սերունդներին: Յուրաքանչյուր ազգի ինքնակերտման գրավականը մայրենի լեզուն է»,-մասնավորապես ասել է նա:

Ցերեկույթին ելույթներով և ասմունքներով հանդես են եկել նաև ԳՆՀ դասախոսներ և ուսանողներ:

Նարեկագիտության մեջ ունեցած մեծ ավանդի համար՝ Վ. Հակոբյանի կողմից «Նարեկացի» մեդալով է պարգևատրվել ԳՆՀ պատմության ամբիոնի վարիչ, պատմական գիտությունների թեկնածու Վահրամ Լալայանը:

Մեր թղթակցի հարցմանն ի պատասխան՝ Վ. Լալայանն ասել է, որ կողմ է ոչ թե երկրային, այլ երկնային մեդալների: «Մենք միշտ պետք է սպասենք Աստծո պարգևատրությանը և մեր ոգևորությունն ու ուրախությունը ստորադասենք երկնքից: Կառավարման համակարգում այն տրամաբանությունն է, որ լավագույններին պետք է պարգևատրել: Կարծում եմ այս մեդալին արժանի են հայ մշակույթի նախանձախնդիր նվիրյալները: Մենք պետք է ամեն կերպ զերծ պահենք մեր խոսքը օտար բառերից և այնպիսի հաղորդակցության մեջ լինենք մեր մշակույթի հետ, որ մեր հոգին չգրավվի: Խոսել մաքուր հայերենով, նշանակում է թոթափած լինել օտարի լուծը»,-մասնավորապես ասել է նա:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Ֆինանսների նախարարությունը Վիտալի Բալասանյանից փաստեր է պահանջում

ԱՀ ՊՆ-ն արձագանքել է Վիտալի Բալասանյանի հայտարարությանը

Արցախի ընտրություններին մեկնող դիտորդներն արագ թեստավորում կանցնեն

«Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը 

Search